روہت شرما کے انگلینڈ کے خلاف ٹیسٹ سیریز سے دستبردار ہونے کا امکان

ْنئی دہلی//بھارت کی ٹیسٹ کرکٹ ٹیم کے کپتان روہت شرما کی جانب سے انگلینڈ کے خلاف ٹیسٹ سیریز سے دستبردار ہونے کا امکان ہے۔بھارتی میڈیا کے مطابق کپتان روہت شرما کی ریڈ بال کرکٹ میں مایوس کن فارم کی وجہ سے ان کے انگلینڈ کے خلاف ٹیسٹ سیریز سے دستبردار ہونے کا امکان ہے۔
رپورٹ میں دعویٰ کیا گیا کہ روہت شرما نے اس حوالے سے پہلے ہی فیصلہ کرلیا ہے ہے جس کے بعد ویرات کوہلی کے اسکواڈ میں جگہ برقرار رکھنے کا قوی امکان ہے۔
واضح رہے کہ روہت شرما نے بورڈر گواسکر ٹرافی کے 3 ٹیسٹ میچز میں صرف 31 رنز سکور کیے تھے جبکہ روہت شرما آسٹریلیا کے خلاف سڈنی ٹیسٹ سے بھی دستبردار ہو ئے تھے۔ بھارتی کرکٹ ٹیم کا 45 روزہ دورہ انگلینڈ 20 جون سے ہیڈنگلے ٹیسٹ سے شروع ہوگا جہاں انگلینڈ اور بھارت کی ٹیموں کے درمیان 5 ٹیسٹ میچز کی سیریز کھیلی جائے گی۔