گل مرگ/12 مارچ
جموں و کشمیر کے وزیر اعلی عمر عبداللہ نے چہارشنبہ کے روز کہا کہ گلمرگ کے خوبصورت اسکی ریزورٹ کے بنیادی ڈھانچے کو ترقی دینے کی ضرورت ہے تاکہ اسے اسکیئرز کے لئے عالمی معیار کا مقام بنایا جاسکے۔
کھیلو انڈیا سرمائی کھیلوں (کے آئی ڈبلیو جی) کے پانچویں ایڈیشن کی اختتامی تقریب میں شرکت کے لئے گلمرگ میں موجود چیف منسٹر نے چہارشنبہ کے روز ایک سوال کے جواب میں یہ بات کہی۔
وزیر اعلیٰ نے کہا ”یہ سچ ہے کہ سرمائی کھیلوں کے انعقاد کےلئے گلمرگ کا کوئی موازنہ نہیں ہے۔لیکن یہ بھی سچ ہے کہ انفراسٹرکچر کو وسعت دینے کی اشد ضرورت ہے تاکہ مستقبل میں کھیلوں کو بڑے پیمانے پر منظم کیا جاسکے اور اسے اسکیئرز کے لئے عالمی معیار کی منزل بنایا جاسکے“۔
عمر نے کہا کہ یہ لگاتار پانچواں سال ہے جب گلمرگ کے آئی ڈبلیو جی کی میزبانی کر رہا ہے۔ اس سے پہلے یہ نہیں دیکھا گیا تھا کہ گلمرگ کی ڈھلوانوں پر کم برفباری کی وجہ سے اس سال کھیل ممکن ہیں۔
وزیر اعلیٰ نے کہا کہ اللہ کا شکر ہے کہ گلمرگ میں کافی برف باری ہوئی اور ہم ان کھیلوں کا انعقاد کرسکے جس میں ملک بھر کے کھلاڑیوں نے حصہ لیا۔
عمر نے کہا”ہم مقامی اسکیئرز کی مدد کرکے اور انہیں تربیت فراہم کرکے ان کی ترقی کرنا چاہتے ہیں اور اس سال ہم ایک ٹرینر سے مشورہ کرنے جا رہے ہیں اور اسکیئنگ کورسز کے لئے گلمرگ، سونمرگ اور ڈوڈ پتھری کو تیار کریں گے۔“
