نیرج چوپڑا کامن ویلتھ گیمز میں 37 رکنی ایتھلیٹکس دستے کی قیادت کریں گے

نئی دہلی// ٹوکیو اولمپک گولڈ میڈلسٹ نیرج چوپڑا کو برمنگھم میں 28 جولائی سے 8 اگست تک ہونے والے کامن ویلتھ گیمز کے لیے ہندوستان کے 37 رکنی ایتھلیٹکس دستے میں شامل کیا گیا ہے۔
ایتھلیٹکس فیڈریشن آف انڈیا (اے ایف آئی) نے جمعرات کو یہ اطلاع دی۔
اے ایف آئی کے صدر عادل سمری والا نے کہا کہ انہیں دستے پر پورا بھروسہ ہے اور یہ ان گیمز میں اچھی کارکردگی کا مظاہرہ کرے گا۔ دستے میں نیرج چوپڑا، ڈی پی مانو اور روہت یادو کی شکل میں تین جیولن تھروورشامل کئے گئے ہیں۔ ساتھ ہی عبداللہ ابوبکر، پروین چتروال اور ایلڈہوزپال کی شکل میں تین ٹرپل جمپ کھلاڑیوں کوٹیم میں شامل کیا گیا ہے۔ سمری والا نے یہاں جاری ایک پریس ریلیز میں کہا، ’’ہم ہندوستانی اولمپک ایسوسی ایشن سے درخواست کر رہے ہیں کہ ہماراکوٹہ ایک ایک کرکے بڑھایا جائے اورکچھ ایتھلیٹس کے لئے پہچان حاصل کرنے میں مدد کی جائے۔‘‘ ہم نے گیمز سے قبل ان کی فٹنس اور فارم کو ثابت کرنے کے لیے چند مضامین کا انتخاب بھی کیا ہے۔
انہوں نے کہا، “شاٹ پٹر تاجندرپال سنگھ تور کو قازقستان میں اچھی کارکردگی کا مظاہرہ کرنا ہوگا، جبکہ اموز جیکب کو ان کی ریکوری اور فٹنس لیول کی بنیاد پر منتخب کیا گیا ہے۔ اسی طرح ڈسکس تھروور نوجیت کور ڈھلون اور سیما انتل پونیا کے ساتھ ساتھ ہیمرتھروور سریتا سنگھ کو قازقستان یا کیلیفورنیا میں پرفارم کرنا ہوگا۔ ریس واکر بھاونا جاٹ کو اپنی فٹنس ثابت کرنی ہوگی۔ انہوں نے کہا کہ غیر ممالک میں ٹریننگ لے رہے اویناش سابلے، نیرج چوپڑا اور سیما انتل پونیا نے چنئی میں قومی بین ریاستی ایتھلیٹکس چیمپئن شپ میں شرکت سے رعایت طلب کی تھی اورانہیں دی گئی۔