بارہمولہ میں شاہراہ پر آئی ای ڈی بر آمد، ناکارہ بنادی گئی:پولیس

سرینگر//
شمالی کشمیر کے ضلع بارہمولہ میں پوت کھاہ علاقے کے نزدیک بارہمولہ، سری نگر شاہراہ پر ہفتے کی صبح سیکورٹی فورسز نے ایک آئی ای ڈی بر آمد کی جس کو بعد میں ناکارہ بنا دیا گیا۔
سرکاری ذرائع نے بتایا کہ بارہمولہ کے پوت کھاہ علاقے میں ہفتے کی صبح سیکورٹی فورسز نے شاہراہ کے کنارے پر نصب ایک آئی ای ڈی دیکھی۔انہوں نے کہا کہ آئی ای ڈی دیکھنے کے بعد شاہراہ پر ٹریفک کی نقل وحمل روک دی گئی اور بم ناکارہ بنانے والی ایک ٹیم کو جائے موقع پر طلب کیا گیا۔
ان کا کہنا تھا کہ بعد میں بم ناکارہ بنانے والی ایک ٹیم نے اس آئی ای ڈی کو بغیر کوئی نقصان پہنچائے ناکارہ بنا دیا جس کے بعد شاہراہ پر ٹریفک کی نقل و حمل بحال کر دی گئی۔