اونتی پورہ میں ملی ٹینٹ ہینڈلر کی جائیداد قرق

سرینگر//
اونتی پورہ پولیس نے پستونہ ترال میں ملی ٹینٹ ہینڈلرکی چار مرلہ اراضی کو منسلک کیا ہے ۔
پولیس کے ایک ترجمان نے بتایا کہ پاکستان میں مقیم دہشت گرد ہینڈلر مبشر احمد ولد غلام نبی ڈار ساکن سید آباد پستونہ ترال کی نو مرلہ اراضی کو قرق کیا گیا ہے ۔
ترجمان نے کہاکہ یو اے پی اے ایکٹ کی مختلف دفعات کے تحت جائیداد کومنسلک کرنے کی کارروائی عمل میں لائی گئی ۔
یہاں یہ امر قابل ذکر ہے کہ پاکستان میں مقیم دہشت گرد ہینڈلر مبشر احمد دہشت گرد سرگرمیوں کو فروغ دینے کی خاطر اسلحہ وگولہ بارود فراہم کرنے کے ساتھ ساتھ ملی ٹینٹ نیٹ ورک کو فعال کرنے کی کارروائی میں ملوث پایا گیا ہے ۔