کولگام کے دمہال ہانجی پورہ میں آتشزدگی، تین رہائشی مکان خاکستر

سرینگر//
جنوبی کشمیر کے ضلع کولگام کے دمہال ہانجی پورہ علاقے میں آگ کی ایک شبانہ واردات میں تین رہائشی مکان خاکستر ہوگئے ۔
محکمہ فائر اینڈ ایمرجنسی کے ایک عہدیدار نے بتایا کہ کولگام کے دمہال ہانجی پورہ علاقے میں منگل کی شام دیر گئے ایک مکان میں آگ نمودار ہوئی جس کے شعلوں نے متصل واقع دو مکانوں کو اپنی لپیٹ میں لے لیا۔
عہدیدار نے کہا کہ اطلاع موصول ہونے کے بعد فائر ٹنڈرس جائے واردات پر پہنچے اور آگ کو قابو میں کر لیا۔
ان کا کہنا ہے کہ اس واردات میں تین رہائشی مکانوں کو نقصان پہنچا جن میں دو مکان دو منزلہ ہیں جبکہ ایک مکان یک منزلہ ہے ۔
عہدیدار نے بتایا کہ آگ لگنے کی وجوہات معلوم کی جا رہی ہیں تاہم خوش قسمی سے کسی جانی نقصان کی کوئی اطلاع نہیں ہے ۔