جموں کشمیر میں نومبر کے دوران بارش میں۶۹فیصد کمی ریکارڈ

سرینگر//
جموں کشمیر اور لداخ یونین ٹریٹری میں ماہ نومبر میں۶۹فیصد بارش کی کمی ریکارڈ ہوئی ہے ۔
متعلقہ حکام کے مطابق ماہ نومبر کے دوران صرف ۹ء۱۰ملی میٹر بارش ریکارڈ ہوئی ہے جبکہ معمول کے مطابق ۳ء۳۵ملی میٹر بارش ریکارڈ ہونی چاہئے تھی۔
محکمہ موسمیات کی طرف سے ترتیب کردہ ڈاٹا کے مطابق ضلع کٹھوعہ میں ماہ نومبر میں معمول کے مطابق۸ء۲۸ملی میٹر بارش ریکارڈ ہونی چاہئے تھی لیکن وہاں۰ء۰ملی میٹر بارش ہی ریکارڈ ہوئی ہے جبکہ ضلع پونچھ میں۹۸فیصد بارش کی کمی ریکارڈ کی گئی ہے ۔
ضلع بڈگام میں ماہ نومبر۹ء۱۴ملی میٹر بارش ریکارڈ ہوئی ہے جو معمول کے مطابق۱ء۳۰ملی میٹر ہونی چاہئے تھی جہاں۹۰فیصد بارش کی کمی ریکارڈ ہوئی ہے ۔
ضلع سانبہ میں۵ء۱۲ملی میٹر بارش ریکارڈ ہوئی ہے جو معمول سے۴۸فیصد زیادہ ریکارڈ ہوئی ہے جبکہ ضلع کپوارہ میں ۱ء۴۸ملی میٹر بارش ریکارڈ ہوئی ہے جہاں معمول کے مطابق ۸ء۴۹ملی میٹر بارش ریکارڈ ہونی چاہئے تھی۔
سرینگر اور جموں اضلاع میں ماہ نومبر میں بالترتیب۷۴فیصد اور۷۸فیصد بارش کی کمی ریکارڈ ہوئی ہے ۔
قابل ذکر ہے کہ وادی میں امسال موسم سرما شدید گرمی رہی جبکہ بارش کی کمی ریکارڈ کی گئی۔