جموںکشمیر میں ریزرویشن پالیسی کو ختم کیا جانا چاہئے :پرہ

سرینگر///
پی ڈی پی کے سینئر لیڈر اور پلوامہ نشست کے رکن اسمبلی وحید پرہ نے جموں وکشمیر میں ریزرویشن پالیسی کو غیر منصفانہ قرار دیتے ہوئے اس کو ختم کرنے کا مطالبہ کیا ہے ۔
پرہ نے کہا کہ یہ صرف ملازمتوں تک محدود نہیں ہے بلکہ تمام اداروں میں طویل مدتی معیار اور اہلیت کے ساتھ سمجھوتہ کرنا ہے ۔
پی ڈی پی لیڈر نے ان باتوں کا اظہار بدھ کو ‘ایکس’ پر اپنے ایک پوسٹ میں کیا۔
پرہ جموں کشمیر مشترکہ مسابقتی امتحان۲۰۲۳کیلئے طلب کیے گئے امیدواروں پر تبصرہ کر رہے تھے ۔
ایک فہرست کے مطابق میڈیکل امتحان کے لیے بلائے گئے۷۱؍امیدواروں میں سے۴۲کا تعلق مخصوص زمروں سے ہے ۔
پرہ نے اپنے پوسٹ میں کہا’’۷۰فیصد سے زیادہ آبادی ہونے کے باوجود جموں وکشمیر پبلک سروس کمیشن کے نتائج میں صرف۴۰فیصد اوپن میرٹ کے انتخاب کو ظاہر کیا گیا ہے ‘‘۔
پلوامہ کے ممبر اسمبلی نے کہا’’حکومت کو میرٹ کے خلاف اس غیر منصفانہ پالیسی کو ختم کرنا چاہیے اور اس بات کو یقینی بنانا چاہیے کہ ریزرویشن آبادی کے حقیقی تناسب کی عکاسی کرے ‘‘۔
پرہ نے کہا’’ جموں کشمیر کے نوجوان شمولیت کے مستحق ہیں اخراج کے نہیں‘‘۔انہوں نے کہا’’ یہ صرف ملازمتوں تک محدود نہیں ہے بلکہ تمام اداروں میں طویل مدتی معیار اور اہلیت کے ساتھ سمجھوتہ کرنا ہے ۔‘‘