جموں وکشمیر کو بہت جلد ریاست کا درجہ واپس ملے گا :اکھلیش یادو

سرینگر//
سماج وادی پارٹی کے صدر اکھلیش یادو نے جموںکشمیر کے لوگوں کو جمہوریت میں بھروسہ ظاہر کرنے پرمبارکباد پیش کرتے ہوئے امید ظاہر کی کہ جموں وکشمیر کا مکمل ریاستی درجہ بہت جلد بحال کیا جائے گا۔
ان باتوں کا اظہار یادو نے سری نگر میں نامہ نگاروں سے بات چیت کے دوران کیا۔
یادو نے کہاکہ میں جموںکشمیر کے لوگوں کوجمہوریت پر بھروسہ کرنے اور اپنی حکومت خود چننے پر مبارکباد پیش کرتا ہوں۔
اترپردیش کے سابق وزیر اعلیٰ نے نیشنل کانفرنس کے سرپرست اعلیٰ ڈاکٹر فاروق عبداللہ کو چناو میں کامیابی حاصل کر نے پر مبارکباد دی ہے۔
یادو نے کہا’’عمر عبداللہ کے وزیر اعلیٰ بننے پر انہیں مبارکباد پیش کرتا ہوں ، مجھے یقین ہے کہ عمر لوگوں کے تئیں اپنی ذمہ داریاں پوری کریں گے اور نئے جموں وکشمیر کے خواب کوشرمندہ تعبیر کرنے کی خاطر کوئی دقیقہ فروگزاشت نہیں کریں گے‘‘۔
ایک سوال کے جواب میں سماج وادی پارٹی کے سپریمو نے کہاکہ لوگوں کے مسائل حل کرنے اور جموں وکشمیر کو ترقی کی راہ پر لیجانے کی خاطرعمر عبداللہ کی سربراہی والی سرکار زمینی سطح پر کام کرے گی۔