سی ای اوز کوغیر مسلم ملازمین کو محفوظ مقامات پر تعینات کرنے کی ہدایت

سری نگر//
دو مہاجر اساتذہ کی ہلاکتوں کے بعد حکام نے کشمیر کے تمام چیف ایجوکیشن افسروں کو محکمے کے غیر مسلم ملازموں کو محفوظ مقامات پر تعینات کرنے کی ہدایات دی ہیں۔
ذرائع سے معلوم ہوا ہے کہ محکمہ تعلیم نے کشمیر ڈویژن کے تمام چیف ایجوکیشن افسروں (سی ای اوز) کو ہدایت دی ہے کہ وہ محکمے کے غیر مسلم ملازموں کو ان کی مطلوبہ جگہوں اور محفوظ مقامات پر تعینات کریں۔
قابل ذکر ہے کہ جنوبی کشیر کے ضلع کولگام میں۳۱مئی کو مشتبہ جنگجوؤں نے رجنی بالا نامی ایک خاتون ٹیچر پر اسکول میں گولیاں بر سائیں جس کے نتیجے میں ان کی موت واقع ہوئی۔
اس واقعے کے دو روز بعد جمعرات کو کولگام میں ہی راجستھان سے تعلق رکھنے والے وجے کمار نامی ایک بینک منیجر کو گولیاں مار کر ہلاک کر دیا گیا۔