ستواری اور بشناسے دو لاشیں بر آمد ‘ تحقیقات شروع

جموں//
جموں کے ستواری علاقے میں نالہ سے عدم شناخت لاش برآمد کی گئی ہے ۔
اطلاعات کے مطابق ستواری جموں میں چند مقامی افراد نے نالہ میں ایک لاش دیکھی اور اس بارے میں پولیس کو مطلع کیا۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت کیلئے کارروائی شروع کی ہے ۔
ادھر بشناہ کے سکندر پور علاقے میں بھی جمعرات کی صبح ایک عدم شناخت لاش بر آمد کی گئی جس سے علاقے میں سنسنی پھیل گئی۔
ذرائع نے بتایا کہ بشناہ کے سکندر پور علاقے میں مقامی لوگوں نے جمعرات کی صبح ایک نہر کے نزدیک ایک لاش دیکھی۔انہوں نے کہا کہ لاش دیکھنے کے بعد لوگوں نے پولیس کو مطلع کیا۔
ان کا کہنا تھا کہ اطلاع موصول ہونے کے بعد پولیس کی ایک ٹیم جائے موقع پر پہنچ گئی اور لاش کو قانونی و طبی لوازمات کی ادائیگی کے لئے اپنی تحویل میں لے لیا۔
دریں اثنا لاش بر آمد ہونے کے بعد علاقے میں سنسنی پھیل گئی۔