ہندوستان محدود اوورزکی سیریز کے لیے جولائی میں ویسٹ انڈیز اور امریکہ کا دورہ کرے گا

ممبئی//محدود اوورز کی سیریز کے لیے ہندوستان جولائی میں ویسٹ انڈیز اور امریکہ کا دورہ کرے گا۔
22 جولائی سے 7 اگست کے درمیان ہونے والے دورے میں تین ون ڈے اور پانچ ٹی ٹوئنٹی انٹرنیشنل کھیلے جائیں گے۔
ون ڈے سیریز کے تینوں میچزٹرینیڈاڈ کے کوئنز پارک اوول میں بالترتیب 22 سے 27 جولائی تک کھیلے جائیں گے۔ 29 جولائی کو ٹرینیڈاڈ کی برائن لارا کرکٹ اکیڈمی میں سیریز کا پہلا ٹی20 انٹرنیشن کھیلا جائے گا، جو اس گراؤنڈ میں مردوں کا پہلا ٹی20 انٹرنیشنل میچ بھی ہوگا۔ دوسرا اور تیسرا ٹی 20 انٹرنیشنل سینٹ کٹس کے وارنر پارک میں کھیلا جائے گا۔ چوتھے اور آخری ٹی ٹوئنٹی کے لیے دونوں ٹیمیں امریکہ کے فلوریڈا جائیں گی۔
ہندوستان کے علاوہ اس ڈومیسٹک سیزن میں ویسٹ انڈیز، بنگلہ دیش اور نیوزی لینڈ سے بھی بھڑے گا۔ بنگلہ دیش کے خلاف 16 سے 28 جون کے درمیان دو ٹیسٹ میچزاینٹیگا اور سینٹ لوشیا میں منعقد ہوں گے۔ اس کے بعد تین ٹی ٹوئنٹی انٹرنیشنل اور تین ون ڈے میچوں کی سیریز بھی ہوگی۔
ہندوستان کے بعد نیوزی لینڈ بھی کیریبین کا دورہ کرے گا۔ 10 اگست سے 21 اگست تک ہونے والے اس دورے میں تین ٹی ٹوئنٹی انٹرنیشنل اور تین ون ڈے کھیلے جائیں گے۔ ٹی ٹوئنٹی سیریز جمیکا میں اور ون ڈے سیریز بارباڈوس میں ہوگی۔