ایم ایس دھونی کا بڑا فیصلہ، رجسٹرکرایا ٹریڈ مارک، اب کوئی نہیں بن سکے گاکیپٹن کول

نئی دہلی//
مہندر سنگھ دھونی نے “کیپٹن کول” کے ٹریڈ مارک کے لیے درخواست دی ہے، جو ان کے پرسکون انداز کے لیے مشہور Nickname ہے۔ یہ درخواست 5 جون کو ٹریڈ مارکس رجسٹری پورٹل کے ذریعے آن لائن جمع کی گئی تھی۔ اس سے ظاہر ہوتا ہے کہ ایم ایس دھونی سرکاری طور پر اس لفظ کے حقوق حاصل کرنا چاہتے ہیں۔ ان کے وکیل نے بھی اس کی تصدیق کی ہے۔
دھونی برسوں سے ‘کیپٹن کول’ کے نام سے جانے جاتے ہیں۔ یہ دھونی کی دباؤ میں پرسکون رہنے کی صلاحیت کی عکاسی کرتا ہے، چاہے وہ 2007 میں پہلے T20 ورلڈ کپ میں ہندوستان کو جیت دلانا ہو، 2011 میں ون ڈے ورلڈ کپ جیتنا ہو یا 2017 میں چیمپئنز ٹرافی جیتنا ہو۔ اگر دھونی کو ٹریڈ مارک مل جاتا ہے، تو دھونی کے علاوہ کوئی بھی کھلاڑی کیپٹن کول کے طور پر نہیں جانا جائے گا۔
دلچسپ بات یہ ہے کہ ایک اور تنظیم پربھا اسکل اسپورٹس (او پی سی) پرائیویٹ لمیٹڈ نے جولائی 2021 میں اس نام کے لیے درخواست دی تھی لیکن اسے مسترد کر دیا گیا۔ رپورٹ میں کہا گیا ہے کہ اس کے مسترد ہونے کے بعد دھونی کے لیے دعویٰ کرنے کا راستہ کھل گیا تھا۔
دھونی کے کیریئر کی بات کریں تو انہیں ایک عظیم کپتان اور فنشر ہونے کے علاوہ ایک عظیم وکٹ کیپر کے طور پر بھی یاد کیا جاتا ہے۔ وکٹ کے پیچھے دھونی کا کوئی ثانی نہیں ہے۔ وہ پلک جھپکتے ہی اسٹمپنگ کردیتے تھے اور مشکل سے مشکل کیچ کو کیسے آسان بنایا جاتا ہے یہ ۔ دھونی نے اپنے کیریئر میں 195 اسٹمپنگ کی جو کہ ایک عالمی ریکارڈ ہے۔