آئندہ ۳۶ گھنٹوں میں وادی میں بارشوں اور برفبار ی کا امکان

سرینگر//
محکمہ موسمیات کی پیش گوئی کے مطابق وادی کشمیر میں اگلے ۳۶گھنٹوں کے دوران میدانی علاقوں میں ہلکی بارشوں جبکہ بعض پہاڑی علاقوں میں ہلکی برف باری کا امکان ہے ۔محکمے نے کسانوں کو کاٹی ہوئی فصل کو محفوظ طریقے سے ذخیرہ کرنے کی صلاح دی ہے ۔
موسمیات محکمے کے ایک ترجمان نے بتایا کہ وادی میں ۲۶ستمبر کی شام سے۲۷ستمبر کی سہہ پہر تک ہلکی بارشوں کے مرحلوں کا امکان ہے ۔
ترجمان نے کہا کہ وادی میں۲۸سے۳۰ستمبر تک موسم مجموعی طور پر خشک رہنے کا امکان ہے تاہم اس دوران کچھ مقامات پر بارشوں کے مختصر مرحلوں کو خارج از امکان قرار نہیں دیا جا سکتا ہے ۔ان کا کہنا تھا کہ بعد ازاں وادی میں یکم اکتوبر سے۵؍اکتوبر تک موسم مجموعی طور پر خشک رہنے کا امکان ہے ۔
محکمے نے اپنی ایڈوائزری میں کہا کہ اس دوران وادی میں کچھ مقامات پر گرج چمک کے ساتھ تیز ہوائیں چل سکتی ہیں جبکہ۲۶ستمبر کی رات کو کچھ پہاڑی علاقوں میں برفباری بھی ہوسکتی ہے ۔
محکمے نے کسانوں کو کاٹی ہوئی فصل کو محفوظ طریقے سے ذخیرہ کرنے کی صلاح دی ہے ۔