ریاسی سڑک حادثے میں ‘سی آئی ایس ایف’اہلکار ہلاک

سرینگر//
جموںکشمیر کے ریاسی ضلع میں جمعرات کی شام سینٹرل انڈسٹریل سیکورٹی فورس کی گاڑی کو حادثہ پیش آیا جس کے نتیجے میں ایک اہلکار کی برسر موقع ہی موت واقع ہوئی جبکہ چار دیگر زخمی ہوئے ۔
اطلاعات کے مطابق ریاسی کے شرنگی چسانہ علاقے کے نزدیک اس وقت سنسنی کا ماحول پھیل گیا جب سی آئی ایس ایف کی گاڑی ڈرائیور کے قابو سے باہر ہو کر سڑک پر الٹ گئی جس کے نتیجے میں گاڑی میں سوار پانچ اہلکار زخمی ہوئے ۔
معلوم ہوا ہے کہ زخمیوں کو طبی امداد کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے ایک اہلکار کو مردہ قرار دیا۔
دریں اثنا پولیس نے معاملے کی نسبت کیس درج کرکے تحقیقات شروع کی۔