حج۲۰۲۵:آئن لائن فارم داخل کرنے کی آخری تاریخ۹ستمبر

سرینگر//
حج ۲۰۲۵ کیلئے خواہشمند عازمین سے حج کمیٹی آف انڈیا کی جانب سے ۱۳؍ اگست۲۰۲۴ سے آن لائن حج درخواستیں طلب کی جارہی ہیں۔ ایسے میں آن لائن طریقے سے درخواستیں داخل کرنے کی آخری تاریخ رواں ماہ ۹ ستمبر مقرر ہے۔
اس ضمن میں حج کمیٹی کی جانب سے جاری کردہ نوٹیفیکیشن میں کہا گیا ہے کہ حج پالیسی اور گائیڈ لائن کے تحت خواہشمند عازمین حج کمیٹی کی ویب سائٹ پر دے سکتے ہیں۔ تاہم آن لائن درخواست دینے کی آخری تاریخ ۹ ستمبر ہے۔
لہذا حتمی تاریخ سے قبل ہی وہ آن لائن درخواست دے سکتے ہیں۔درخواست دہنگان کے پاس مشین ریڈایبل انٹرنیشنل پاسپورٹ ہونا چاہیے۔ جوکہ فارم جمع کرنے کی آخری تاریخ یا اس سے پہلے جاری کیا گیا ہو اور کم از کم اس کا معیار ۲۵ جنوری ۲۰۲۶ ہو۔
قابل ذکر ہے کہ رواں برس جموں کشمیر کے۷ ہزار سے زائد عازمین حج نے فریضہ حج انجام دیا۔ جس میں کئی بغیر محرم کی خواتین بھی موجود تھی۔
وہیں اس مرتبہ سعودی عرب میں ہیٹ اسٹروک کی وجہ سے ملک کی دیگر ریاستوں اور یوٹیز کے ساتھ ساتھ وادی کشمیر سے تعلق رکھنے والے کئی عازمین بھی فریضہ حج انجام دینے کے دوران فوت ہوئے۔