کپوارہ میں بڑی مقدار میں شراب ضبط، دو گرفتار:پولیس

سرینگر//
جموں کشمیر پولیس نے شمالی کشمیر کے ضلع کپوارہ میں۱۶۶بوتلیں شراب اور۱۲بوتلیں بیئر ضبط کی ہیں اور میاں بیوی کو گرفتار کیا ہے ۔
کپوارہ پولیس نے بدھ کی صبح ’ایکس‘پر ایک پوسٹ کے ذریعے جانکاری فراہم کرتے ہوئے کہا کہ کپوارہ پولیس اسٹیشن نے کلاروس کی پولیس چوکی کے ساتھ ایک مشترکہ ناکے کے دوران میڈ ماڈو کلاروس میں ایک گاڑی کو روکا۔
پولیس نے کہا کہ تلاشی کے دوران گاڑی سے۱۶۶بوتلیں شراب اور۱۲بوتلیں بیئر ضبط کی گئیں۔
پوسٹ میں کہا گیا کہ گاڑی میں سوار دونوں میاں بیوی جن کا تعلق پرے پورہ کلاروس سے ہے ، کو گرفتار کیا گیا۔
پولیس نے اس ضمن میں متعلقہ دفعات کے تحت ایک ایف آئی آر زیر نمبر۲۴/۱۸۴درج کیا ہے ۔