بی جے پی ہی جموں وکشمیر کے مسائل حل کرسکتی ہے :ذولفقار

جموں//
بی جے پی میں حال ہی میں شمولیت اختیار کرنے والے چودھری ذولفقار علی نے بدھ کے روز کہاکہ یہ خو ش آئند بات ہے کہ ڈیڑھ ماہ کے اندراندر جموں وکشمیر میں نئی حکومت کام کاج سنبھالے گی۔
چودھری نے کہاکہ مرکزی وزیر داخلہ امیت شاہ نے لوک سبھا میں وعدہ کیا ہے کہ اسمبلی انتخابات کے بعد ریاستی درجے کی بحالی کا بھی فیصلہ لیا جائے گا۔
ان باتوں کا اظہارانہوں نے راجوری میں نامہ نگاروں سے بات چیت کے دوران کیا۔
بی جے پی میں شمولیت اختیار کرنے کے بارے میں پوچھے گئے سوال کے جواب میں چودھری نے کہا’’بھارتیہ جنتاپارٹی ہی لوگوں کے مسائل حل کرسکتی ہے ‘‘۔ انہوں نے کہاکہ عمر عبداللہ کا کہنا ہے کہ مرکزی زیر انتظام علاقے میں وزیر اعلیٰ کی حیثیت ایک چپراسی جیسی ہے لہذا بھاجپا میں شمولیت اختیار کرنا وقت کا تقاضہ تھا۔
چودھری نے کہاکہ یہاں کی لیڈر شپ کو طاقت کی ضرورت ہے ، ہمیں ایسی سرکار سے جڑنا ہے جو لوگوں کے مسائل حل کرئے اوریہ طاقت صرف بی جے پی کے پاس ہے ۔
ان کاکہنا تھا کہاکہ راجوری ایک پہاڑی علاقہ ہے یہاں کے لوگوں کے مسائل حل کرنے کی خاطر ہی بی جے پی میں شامل ہوا ۔