۲۳؍اگست سے دن کے درجہ حرارت پھر بڑھ جائیگا

سرینگر//
جموں و کشمیر میں خوشگوار موسم کے بیچ محکمہ موسمیات نے۲۳؍اگست سے دن کے درجہ حرارت میں ایک بار پھر اضافہ درج ہونے کی پیش گوئی کی ہے ۔
متعلقہ محکمے کی طرف سے جاری ایڈوئزری کے مطابق جموں خطے میں۲۰؍اگست کو بھاری بارشوں کے نتیجے میں سیلابی ریلے ، مٹی کے تودے گر آنے ، زمین کھسکنے اور پتھر کھسکنے کے خطرات ہیں۔
محکمے کے ایک ترجمان نے بتایا کہ جموںکشمیر میں۲۰؍اگست کو مطلع ابر آلود رہنے کے ساتھ کئی مقامات پر گرج چمک کے ساتھ بارشیں ہوسکتی ہیں۔انہوں نے کہا کہ کشمیر میں۲۳؍اگست سے موسم میں کسی بڑی تبدیلی کا کوئی امکان نہیں ہے تاہم اس دوران جموں خطے میں صبح کے وقت بارشیں ہونے کا سلسلہ جاری رہ سکتا ہے ۔
ترجمان کا کہنا تھا کہ۲۳؍اگست سے دن کے درجہ حرارت میں ایک بار پھر اضافہ درج ہوسکتا ہے ۔
محکمے کی طرف سے جاری ایڈوئزری کے مطابق جموں خطے میں۲۰؍اگست کو بھاری بارشوں کے نتیجے میں سیلابی ریلے ، مٹی کے تودے گر آنے ، زمین کھسکنے اور پتھر کھسکنے کے خطرات ہیں۔
ترجمان کے مطابق گذشتہ چوبیس گھنٹوں کے دوران سری نگر میں۶ء۴ملی میٹر بارش ریکارڈ ہوئی ہے جبکہ سیاحتی مقام گلمرگ میں۸ء۲ملی میٹر اور کپوارہ میں۰ء۸ملی میٹر ریکارڈ ہوئی ہے ۔
ترجمان نے کہا کہ قاضی گنڈ میں بھی ہلکی بوندا باندی ہوئی ہے ۔
دریں اثنا وادی کے بیشتر علاقوں میں منگل کی صبح بارشیں ہوئیں جس سے موسم خوشگوار ہوا۔