بارہمولہ میں شر پسند پر پی ایس اے کے تحت مقدمہ درج:پولیس

سرینگر//
جموں کشمیر پولیس نے شمالی کشمیر کے ضلع بارہمولہ میں ملک دشمن سرگرمیوں کے الزام میں ملوث ایک شخص کے خلاف پبلک سیفٹی ایکٹ (پی ایس اے ) کے تحت مقدمہ درج کیا ہے ۔
مذکورہ شخص کی شناخت بشیر احمد بیگ ولد غلام محی الدین ساکن شر پورہ چندوسہ کے طور پر کی گئی ہے ۔
ایک پولیس ترجمان نے اپنے ایک بیان میں کہا کہ ملک دشمن عناصر کے خلاف سخت کارروائیاں انجام دیتے ہوئے بارہمولہ پولیس نے مجاز اتھارٹی سے اجازت حاصل کرنے کے بعد بشیر احمد بیگ ولد غلام محی الدین ساکن شر پورہ چندوسہ نامی شخص پر پی ایس اے کے تحت مقدمہ درج کیا ہے ۔
ترجمان نے کہا کہ مذکورہ شخص کو حراست میں لے کر سینٹرل جیل سرینگر منتقل کیا گیا ہے ۔
بیان میں کہا گیا کہ اس کے خلاف کئی مقدمے درج ہیں اور وہ امن و قانون کی صورتحال میں خلل ڈالنے اور بغاوت میں ملوث تھا۔
پولیس ترجمان نے کہا کہ کئی مقدموں میں ملوث ہونے کے با وجود وہ ملک اور سماج دشمن سرگرمیوں میں ملوث رہنے سے باز نہیں رہا۔