محرم الحرام کا چاند نظر نہیں آیا عاشورہ ٔمحرم ۱۷ جولائی کو ہو گا

ممبئی//
مرکزی رویت ہلال کمیٹی جامع مسجد ممبئی ٹرسٹ اور سنی جمعۃ العلماء چاند کمیٹی نے علیحدہ علیحدہ بیان میں اعلان کیا ہے کہ اج بروز ہفتہ ۲۹ذی الحجہ کو محرم الحرام کا چاند نظر نہیں آیا،اس لیے بروز اتوار سات جولا ئی کو ۳۰ذی الحجہ ہوگی ۔
لہذا یکم محرم الحرام۱۴۴۶بروز پیر۸جولائی کو ہوگی اور یوم عاشورہ۱۷ جولائی کو ہو گا۔
سنی جمیعت العلماء چاند کمیٹی کے اعلامیہ کے مطابق ممبئی اور اطراف میں کہیں سے چاند کی رویت کی کوئی خبر موصول نہیں ہوئی،لہٰذا آل انڈیا سنی جمعیت العلماء رویت ہلال کمیٹی ممبئی کی جانب سے قاضی شہر حضرت علامہ مفتی محمود اخترنے کل بروز اتوار ۷جولائی کو۳۰ذی الحجہ ہونے کا فیصلہ ہے ۔
اسلامی نیا سال ان شاء اللہ یکم محرم۱۴۴۶بروز پیر۸جولائی۲۰۲۴سے شروع ہوگا۔واضح رہے کہ ملک بھر سے چاند نہ ہونے کی خبر موصول ہوئی ہے ۔