سرینگر//
چیف سیکرٹری اَتل ڈولونے آج سر ینگر اور جموںکے شہروں میں سمارٹ سٹی مشن (ایس سی ایم) کے مختلف جاری پروجیکٹوں کے علاوہ جموں و کشمیر میں نافذ العمل مکانات و شہری ترقی محکمہ کی دیگر سکیموں کی صورتحال کا جائزہ لینے کے لئے ایک میٹنگ منعقد کی۔
میٹنگ میں کمشنر سیکرٹری مکانات و شہری ترقی محکمہ ، وائس چانسلر ایل سی ایم اے ، سی اِی او جے ایس سی ایل ، سربراہان کے علاوہ دیگر متعلقہ اَفسران نے شرکت کی۔
دورانِ میٹنگ چیف سیکرٹری نے دونوں شہروں سری نگر اور جموں میں جاری سمارٹ سٹی کے کاموں کی پروجیکٹ وار صورتحال کا تفصیلی جائزہ لیا۔
ڈولو نے ہر متعلقہ سمارٹ سٹی حکام کی جانب سے ۱۰۰ اِی بسوں کے چلانے کے حوالے سے ایک دِن میں ہر بس کے ذریعے طے کئے گئے فاصلے اور سفر کے دوران اس کے بھرے ہوئے فاصلے پر نظر ثانی کرنے پر زور دیا۔ وہ اِن بسوں کی گنجائش کے زیادہ سے زیادہ اِستعمال پر زور دیتے ہیں جس کا کم از کم کوریج ایک دِن میں تقریباً۲۰۰ کلومیٹر ہے۔
چیف سیکرٹری نے ڈَل اور نگین جھیلوں کی صفائی اور خوبصورتی کے منصوبے کا جائزہ لیا۔ اُنہوں نے تمام کاموں پر پیش رفت کی رفتار کو تیز کرنے کے لئے کہا۔ اُ نہوں نے واٹر ٹرانسپورٹ کو چلانے کیلئے ایسے راستوں کا اِنتخاب کرنے کو کہا جو لوگوں کے لئے زیادہ چلنے والے اور معاشی طور پر قابلِ عمل ہوں۔
ڈولونے ڈل اور نگین جھیلوں کی صفائی اور خوبصورتی کے منصوبے کا جائزہ لیا۔ انہوں نے تمام کاموں پر پیش رفت کی رفتار کو تیز کرنے کو کہا۔
چیف سیکریٹری نے محکمہ پر زور دیا کہ وہ پی ایم اے وائی اَربن سکیم کی عملانے پر زیادہ توجہ مرکوز کرے کیوں کہ یہ شہری غریبوں کو اَپنے مکانات کی تعمیر کے لئے ضروری مدد فراہم کرتا ہے۔ اُنہوں نے اہل درخواست دہندگان کے لئے اس عمل کو پُرکشش بنا کر عوام کے لئے اس کے حصول کو مزید قابل عمل بنانے کے لئے کہا۔
کمشنر سیکرٹری مکانات و شہری ترقی محکمہ مندیپ کور نے سمارٹ سٹی مشن کے تحت جاری کاموں کا جائزہ پیش کیا۔ اُنہوں نے بعض کاموں کی بروقت تکمیل میں درپیش مخصوص وجوہات اور چیلنجوںاور ہر منصوبے کیلئے طے شدہ تجدید شدہ تاریخوں کے بارے میں تفصیل سے بتایا۔
کور نے یہ بھی اِنکشاف کیا کہ جموں سمارٹ سٹی لمیٹڈ (جے ایس سی ایل) کے تحت۱۲۷ منصوبوں میں سے۱۱۷ مکمل ہوچکے ہیں اور ۱۰تکمیل کے مختلف مراحل میں ہیں۔ اِسی طرح سری نگرسمارٹ سٹی لمیٹڈ (ایس ایس سی ایل) کیلئے۱۸۴ منصوبوں میں سے ۱۱۴ مکمل ہوچکے ہیں اور باقی پر کام جاری ہے۔
جے ایس سی ایل کے زیر تکمیل منصوبوں کے بارے میں تفصیلات بتاتے ہوئے بتایا گیا کہ ان میں توی ریور فرنٹ ڈیولپمنٹ، مبارک منڈی سے رگھوناتھ بازار تک سٹریٹ ڈیولپمنٹ، کنال روڈ سے تالاب تلو تک سٹریٹ ڈیولپمنٹ، مبارک منڈی میں لائبریری کم کیفے ٹیریا، باغ بہو میں اوشیناریم، ہیرٹیج کنزرویشن ورکس‘۲۳روڈ جنکشنوں کی بہتری کے علاوہ جموں میں نئے شروع کئے گئے ’’ویسٹ ٹو وِنڈر‘‘ منصوبے شامل ہیں۔
میٹنگ میں ایس ایس سی ایل کے جاری کام جو زیر بحث آئے ان میں نشاط سے نسیم باغ تک لیک فرنٹ کی ترقی، شالیمار کنال کی ترقی و خوبصورتی، بتہ ما لو قمرواری روڈ کی اَپ گریڈیشن، بتہ مالو مؤمن آباد روڈ کی اَپ گریڈیشن، بتہ مالو میں روایتی سوق مارکیٹ، ڈاؤن ٹاؤن وشہر خاص مارکیٹوں کی مرحلہ وار اَپ گریڈیشن، جہلم واٹر فرنٹ ڈیولپمنٹ سمیت دیگر منصوبے شامل ہیں۔
میٹنگ میںیہ جانکاری دی گئی کہ کہ ان میں سے زیادہ تر منصوبے تکمیل کے آخری مراحل میں ہیں اور اس برس ستمبر تک عوام کے لئے وقف کئے جائیں گے۔
