ہم جانتے ہیں کہ گرما… موسم گرما میں اس بات پر بات کرنا ممنوع ہے… اس پر بات نہیں کی جانی چاہئے‘ اس پر بات نہیں کی جاتی ہے… لیکن … لیکن کیا کیجئے گا کہ بات ہی کچھ ایسی ہے کہ اس پر بات کرنی پڑ رہی ہے… گرما میں بھی کرنی پڑ رہی ہے ۔ وہ کیا ہے کہ … کہ سرما میں تو ہر روز اور ہر جگہ بجلی کٹوتی کی بات ہوتی ہے… پہلے بجلی سپلائی کا حال پوچھا جاتا ہے… اور پھر آپ کی خیریت دریافت کی جاتی ہے… لیکن …گرما میں تو اس پر کوئی بات ہی نہیں کرتا تھا… اور اس لئے نہیں کرتا تھا کہ… کہ اس کی ضرورت بھی محسوس نہیںہو تی تھی… شہر کیا اور گام کیا ‘ میٹر والے علاقے کیا اور بغیر میٹر کے علاقے کیا… سب علاقو ں میں ‘سب مقامات پر بجلی ہول سیل میں دستیاب رہتی تھی… حقیقی معنوں میں ۷x۲۴ بجلی سپلائی کیا ہو تی ہے… یہ بات ہمیں گرما میں سمجھ آجاتی اور… اور اس لئے کیونکہ ہم اس کا خود مشاہدہ بھی کرتے تھے ‘ اسے دیکھتے بھی تھے … لیکن نہ جانے اب کی بار… اب کے گرما کس کی نظر لگ گئی اور… اور بجلی سپلائی کے حوالے سے گرما… اس جھلستی دھوپ میں بھی تقریباً سرما جیسا حال ہے… گرچہ ہم مانتے ہیں کہ اب سرما میں بھی ماضی کے مقابلے میں بجلی سپلائی میں بہتری نہیں بلکہ بہت زیادہ بہتری آئی ہے… جتنی بہتری سرما میں آئی ہے… اتنی ہی ابتری گرما میں آئی ہے اور… اور کیوںآئی ہے ‘ ہم تو صاحب یہ سمجھنے سے قاصر ہیں… بہت کوشش کی تھی کہ…کہ ہم اس بات کو سمجھ لیں کہ گرما میں بجلی سپلائی کا یہ حال بے حال کیوں ہے‘ لیکن…لیکن ہماری سمجھ میں کچھ نہیں آرہا ہے… ہاں اتنا ضرور ہے کہ جتنے منہ اتنی باتیں… لوگوں کے منہ بے لگام ہو جارہے ہیں… بے لگام ہو گئے ہیں اور… اور وہ کچھ بھی کہہ رہے ہیں… بجلی کٹوتی کے حوالے سے کہہ رہے ہیں… اب اس میں سچ کیا ہے اور… اور کیا نہیں ہم نہیں جانتے ہیں… سوائے اس ایک بات کے کہ … کہ اپنے گرما … موسم گرما میں … اس گرما گرم موسم میں بھی بجلی کا حال بے حال ہے… اسی طرح جس طرح اس گرم موسم نے ہمارا حال کیا … بے حال کیا ہے ۔ ہے نا؟
