الطاف بخاری… اپنی پارٹی کے الطاف بخاری صاحب کشمیر کی روایتی سیاسی جماعتوں ‘یعنی پی ڈی پی اور این سی کے پیچھے ہاتھ دھو کر پڑے ہیں… ایسا کوئی دن نہیں گزرتا ہے جب بخاری صاحب ان جماعتوں پر فرد جرم عائد نہیں کرتے ہیں… ان دونوں جماعتوں … روایتی جماعتوں کو کشمیر کی تمام بیماریوں ‘ کشمیر کے تمام مسائل ‘ کشمیر کے تمام مشکلات‘کشمیر کی تمام ناکامیوں ‘ کشمیر کی تمام محرومیوں کیلئے ذمہ دار ٹھہراتے ہیں ۔جب بخاری صاحب یہ سب کہتے ہیں… یا کہتے رہتے ہیں تو…تو کیا یہ جناب سچ کہہ رہے ہیں ‘ صحیح کہہ رہے ہیں ؟… جی نہیں بخاری صاحب سچ نہیں بلکہ سو فیصد سچ کہہ رہے ہیں …واقعی میں کشمیر کی روایتی سیاسی جماعتیں سارے فساد کی جڑ ہیں… بخاری صاحب جب یہ کہتے ہیں کہ ملک کشمیر کی روایتی سیاسی جماعتیں اس لئے ناکام ہو ئیں کیونکہ انہیں اپنے ذاتی مفادات کی فکر تھی ‘ وہ اپنے ذاتی مفادات کو تحفظ دینے میں لگیں ہوئی تھیں تو… تو کیا بخاری صاحب سچ کہہ رہے ہیں ‘ صحیح کہہ رہے ہیں؟ جی ہاں بخاری صاحب سچ کہہ رہے ہیں ‘ صحیح کہہ رہے ہیں کہ واقعی میں ملک کشمیر کی روایتی سیاسی جماعتیں اپنے مفادات کو تحفظ فراہم کرنے میں لگیں ہو ئی تھیں ۔تو … تو کیا اس کا مطلب یہ ہے کہ بخاری صاحب خود کو بری الذمہ قرار دینے کی کوشش کررہے ہیں… جی ہاں اس کا یہی مطلب ہے۔کیا بخاری صاحب اس کوشش میں کامیاب ہو جائیں گے ـ‘ کامیاب ہو سکتے ہیں؟ جی نہیں ‘ بالکل بھی نہیں کہ… کہ بخاری صاحب جن روایتی سیاسی جماعتوں پر الزام لگاتے رہتے ہیں…بخاری صاحب خود بھی انہی روایتی سیاسی جماعتیں سے وابستہ تھے ‘ ان کا حصہ تھے… ان کے ساتھ اٹھتے بیٹھتے تھے ‘ ان کے ساتھ مل کر کشمیر کے لوگوں کے بارے میں فیصلہ لیتے ہیں ‘ ان کے ہر ایک فیصلہ کے حصہ دار تھے ‘ ساتھی تھے … اور … اور اللہ میاں کی قسم یہ بخاری صاحب پر کوئی الزام نہیں ہے… بالکل بھی نہیں ہے بلکہ سچ ہے… تاریخ ہے ۔یہ تاریخ کہ بخاری صاحب ’روایتی‘ سیاسی جماعت ‘ پی ڈی پی کے ساتھ ایک اچھے خاصے وقت تک جڑے رہے… بخاری صاحب شوق سے روایتی جماعتوں کو کشمیر اور کشمیریوں کے مسائل کا ذمہ دار ٹھہرائیں …… لیکن ساتھ میں یہ بھی کہیں… یہ سچ بھی کہ کل تک یہ خود بھی انہی روایتی جماعتوں کا حصہ تھے… ان سے وابستہ رہے ہیں… ہے نا؟
بخاری صاحب !آپ تو خوچ بھی …
