کٹھوعہ//
جموں کشمیر کے کٹھوعہ میں ہیرا نگر کے سیدہ سکھل علاقے میںجنگجوؤں نے بین الاقوامی سرحد پر ایک گھر پر حملہ کیا جس کے بعد سیکورٹی فورسز اور جنگجوؤں کے درمیان جاری تصادم میں ایک جنگجو ہلاک ہوگیا۔
پولیس اسٹیشن ہیرا نگر کی حدود میں کوٹا موڈ کے قریب گاؤں سیدہ سکھل میں فائرنگ جاری ہے۔
اے ڈی جی پی جموں نے بتایا کہ ایک جنگجو مارا گیا ہے اور آپریشن جاری ہے۔ذرائع کاکہنا ہے کہ علاقے میں مزید دو جنگجو پھنسے ہو ئے ہیں‘ جن کے خلاف کارروائی جاری ہے۔
دریں اثنا مرکزی وزیر جتیندر سنگھ نے کہا کہ وہ انتظامیہ اور سیکورٹی ونگ کے عہدیداروں کے ساتھ مسلسل رابطے میں ہیں۔
سنگھ نے گھر کے مالک کا نام لئے بغیر کہا کہ ایک گھر پر حملہ کیا گیا تھا۔ انہوں نے کہا کہ وہ فون پر گھر کے مالک سے بھی رابطے میں ہیں۔
یاد رہے کہ اتوار کی شام کو مشتبہ جنگجوؤں نے ریاسی میں یاتریوں کی بس پر فائرنگ کی جس کے بعد بس گہری گھائی میں گر گئی جس دوران ۹؍افراد ہلاک ہو گئے ۔