کناڈا نے اپنی پہلی جیت درج کی، آئرلینڈ کو 12 رن سے شکست

نیویارک//نکولس کیرٹو (49) اور شریاس موا (37) کی شاندار اننگز اور اس کے بعد گیند بازوں کی عمدہ کارکردگی کی بدولت کناڈا نے ٹی-20 ورلڈ کپ کے 13ویں میچ میں جمعہ کے روز آئرلینڈ کو 12 رن سے شکست دے دی۔
138 رن کے تعاقب میں آئرلینڈ کی ٹیم 20 اوورز میں سات وکٹوں پر صرف 125 رن بنا سکی اور 12 رنز سے میچ ہار گئی۔ یہ ٹی-20 ورلڈ کپ میں کناڈا کی پہلی فتح ہے۔ جارج ڈوکریل اور مارک ایڈیئر آئرلینڈ کو میچ میں واپس لے آئے لیکن جیت نہ دلا سکے۔ مارک ایڈیئر نے 24 گیندوں میں سب سے زیادہ 34 رنز بنائے۔ جبکہ جارج ڈوکریل 23 گیندوں پر 30 رنز بنانے کے بعد ناٹ آؤٹ رہے۔ اینڈی بالبرنی (17)، کپتان پال اسٹرلنگ (9) اور لورکن ٹکر (10) رنز بنانے کے بعد آؤٹ ہوئے۔ کناڈا کی جانب سے جیریمی گورڈن اور ڈیلن ہیلیگر نے دو دو وکٹیں حاصل کیں۔ جنید صدیقی اور سعد بن ظفر نے ایک ایک بلے باز کو آؤٹ کیا۔
اس سے قبل کناڈا نے پہلے بیٹنگ کرتے ہوئے آئرلینڈ کو جیت کے لیے 138 رنز کا ہدف دیا تھا۔
آئرلینڈ کی جانب سے کریگ ینگ اور بیری میکارتھی نے دو دو وکٹیں حاصل کیں۔ مارک ایڈیئر اور گیرتھ ڈیلانی نے ایک ایک بلے باز کو آؤٹ کیا۔