وادی میں آئندہ ۹ دنوں تک کسی گرم لہر کا امکان نہیں

سرینگر/
محکمہ موسمیات نے وادی کشمیر میں اگلے۹دنوں کے دوران کسی بھی گرمی کی لہر کو خارج از امکان قرار دیا ہے تاہم صوبہ جموں کے میدانی علاقوں میں۲سے۴جون تک ہیٹ ویو جاری رہ سکتی ہے ۔
متعلقہ محکمے کے ایک ترجمان نے کہا کہ وادی میں۳۱مئی کو موسم جزوی طور پر ابر آلود رہ سکتا ہے اور اس دوران کہیں کہیں گرج چمک کے ساتھ ہلکی بارشوں کا امکان ہے جس کے بعد وادی میں یکم اور دو جون کو بھی موسم کا یہی حال رہنے کی توقع ہے ۔
ان کا کہنا تھا کہ بعد ازاں وادی میں۳؍اور۴جون کو موسم مجموعی طور پر خشک رہنے کا امکان ہے جبکہ ۴سے۷جون تک وادی کے کئی علاقوں میں رک رک کر بارشیں ہوسکتی ہیں۔
محکمے نے اپنی ایڈ وائزری میں کہا ہے کہ صوبہ جموں کے میدانی علاقوں میں۲سے۴جون تک موسم خشک و گرم رہنے کا امکان ہے اور اس دورا ن ہیٹ ویو جاری رہے گی۔انہوں نے کہا کہ وادی کشمیر میں اگلے۹دنوں کے دوران کوئی ہیٹ ویو نہیں رہے گی۔
دریں اثنا وادی میں شبانہ درجہ حرارت میں کہیں گراوٹ تو کہیں اضافہ درج ہوا ہے ۔
گرمائی دارلحکومت سرینگر میں کم سے کم درجہ حرارت۴ء۱۳ڈگری سینٹی گریڈ ریکارڈ کیا گیا جو معمول سے ۹ء۰ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۲ء۷ڈگری سینٹی گریڈ ریکارڈ کیا گیا جو معمول سے ۴ء۰ڈگری سینٹی گریڈ کم ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۴ء۵ڈگری سینٹی گریڈ ریکارڈ کیا گیا جو معمول سے ۲ء۱ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۷ء۱۰ڈگری سینٹی گریڈ ریکارڈ کیا گیا جو معمول سے ۳ء۰ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۰ء۱۰ڈگری سینٹی گریڈ ریکارڈ کیا گیا جو معمول سے ۱ء۱ڈگری سینٹی گریڈ کم ریکارڈ ہوا تھا۔