کیا دہلی کے کچھ علاقوں میں درجہ حرارت واقعی ۳ء۵۲ ڈگری سینتی گریڈ درج کیا گیا

سرینگر//
دارالحکومت دہلی میں درجہ حرارت۳ء۵۲ ڈگری سینتی گریڈ کی بلند ترین سطح پر ریکارڈ کیا گیا ہے۔
تاہم آئی ایم ڈی کے ڈائرکٹر جنرل ایم مہاپاترا کے مطابق ہندوستانی محکمہ موسمیات (آئی ایم ڈی) دہلی کے منگیش پور آٹومیٹک ویدر اسٹیشن میں درجہ حرارت سینسر کی جانچ کر رہا ہے تاکہ یہ دیکھا جا سکے کہ سینسر صحیح طریقے سے کام کر رہا ہے یا نہیں۔
خبر رساں ادارے اے ایف پی کے مطابق انڈیا کے میٹرولوجیکل ڈپارٹمنٹ نے کہا ہے کہ شدید گرمی کی لہر میں منگل کو دہلی کے دو علاقوں نریلا اور منگیش پور میں اب تک کا شدید ترین درجہ حرارت ریکارڈ کیا گیا۔
مئی ۲۰۲۲ میں دہلی کے کچھ علاقوں میں درجہ حرارت ۲ء۴۹ ڈگری سیلسیس ریکارڈ کیا گیا تھا۔
ملک میں عام طور پر موسم گرما میں درجہ حرارت شدت اختیار کر جاتا ہے تاہم کئی سالوں پر محیط سائنسی تحقیق میں یہ بات سامنے آئی ہے کہ ماحولیاتی تبدیلیوں کے باعث گرمی کی لہر طویل اور اس کا دورانیہ زیادہ ہو گیا ہے جبکہ اس میں شدت بھی آئی ہے۔
دہلی کے حکام نے پانی کی کمی کا بھی خدشہ ظاہر کیا ہے جبکہ چند علاقوں میں سپلائی مزید کم کر دی ہے۔
وزیر پانی آتشی مرلینا نے پانی کے ضیاع کو روکنے کے لیے ’اجتماعی ذمہ داری‘ ادا کرنے پر زور دیا ہے۔
انہوں نے کہا ’پانی کی کمی کے مسئلے کو حل کرنے کے لیے ہم نے کچھ اقدامات اٹھائے ہیں جیسے کہ بہت سے علاقوں میں پانی کی سپلائی دن میں دو مرتبہ سے کم کر کہ ایک مرتبہ کی گئی ہے۔
گرمی کی لہر کی صورتحال کے درمیان دہلی میں بجلی کی مانگ بھی بڑھ کر۸۳۰۲ میگاواٹ کی بلند ترین سطح پر پہنچ گئی ہے۔آج بجلی کی مانگ۸۳۰۲ میگاواٹ تھی جو دہلی کی تاریخ میں اب تک کی سب سے زیادہ ہے۔ دہلی میں۲۲ مئی۲۰۲۴ کو بجلی کی مانگ ۸۰۰۰ میگاواٹ تھی۔ دہلی میں بجلی کی مانگ مسلسل ۱۲ دنوں سے ۷۰۰۰ میگاواٹ سے زیادہ رہی ہے۔
اس سے پہلے ۲۹ جون۲۰۲۲ کو دہلی میں بجلی کی مانگ ۷۶۹۵میگاواٹ تھی۔ پچھلے سال دہلی کی سب سے زیادہ بجلی کی مانگ۷۴۳۸میگاواٹ تھی۔
آئی ایم ڈی کے ڈائرکٹر جنرل ایم مہاپاترا کے مطابق ہندوستانی محکمہ موسمیات (آئی ایم ڈی) دہلی کے منگیش پور آٹومیٹک ویدر اسٹیشن میں درجہ حرارت سینسر کی جانچ کر رہا ہے تاکہ یہ دیکھا جا سکے کہ سینسر صحیح طریقے سے کام کر رہا ہے یا نہیں۔
ڈاکٹر مہاپاترا نے کہا کہ دہلی میں ۲۰مانیٹرنگ اسٹیشن ہیں اور ان میں سے۱۴ میں درجہ حرارت میں گراوٹ درج کی گئی ہے اور دہلی بھر میں اوسط درجہ حرارت۴۵۔۵۰ ڈگری سیلسیس کے درمیان ہے۔
مہاپاترا نے کہا کہ منگیش پور اسٹیشن ایک ’آؤٹ لیئر‘ ہے، اور ریکارڈنگ کی تصدیق کی ضرورت ہے۔ دہلی کی کچھ رصد گاہوں نے درجہ حرارت قدرے زیادہ دکھایا تھا، لیکن منگیش پور ریکارڈنگ کی مکمل جانچ کی ضرورت ہے۔