سرینگر/۲۵مئی
ضلع کولگام کے علاقے نیپورہ میں ہفتہ کی سہ پہر ایک سڑک حادثے میں پنجاب کے چار باشندوں کی موت ہو گئی جبکہ تین شدید زخمی ہو گئے۔
ایک مقامی خبر رساں ایجنسی نے ایک عہدیدار کے حوالے سے کہا ہے کہ قاضی گنڈ سے سرینگر جاتے ہوئے ایک گاڑی نیپورہ علاقے میں گرڈ اسٹیشن کے قریب سڑک سے پھسل گئی۔
عہدیدار نے بتایا کہ حادثے کے وقت گاڑی میں 7 سیاح سوار تھے جن کا تعلق پنجاب کے ضلع موگا سے تھا۔
انہوں نے بتایا کہ زخمیوں کو اننت ناگ کے جی ایم سی اسپتال منتقل کیا گیا جہاں 4 کو مردہ قرار دیا گیا جبکہ تین کی حالت تشویشناک بتائی جاتی ہے۔
پولیس نے واقعہ کا نوٹس لے لیا ہے۔