کشمیر :۱۱؍اور۱۲مئی کو برفباری اور بارشوں کاامکان

سرینگر//
خشک و گرم موسم کے بیچ محکمہ موسمیات نے وادی کشمیر میں۱۱؍اور۱۲مئی کو برف و باراں کی پیش گوئی کی ہے ۔
موسمیات محکمے کے ایک ترجمان نے بتایا کہ وادی میں۱۰مئی تک موم خشک رہنے کا امکان ہے تاہم اس دوران بعد دوپہر کہیں کہیں گرج چمک کے ساتھ ہلکی بارشوں کو خارج از امکان قرار نہیں دیا جاسکتا ہے ۔
ترجمان نے کہا کہ بعد ازاں وادی میں۱۱؍اور ۱۲مئی کو پہاڑی علاقوں میں کہیں کہیں ہلکی برف باری جبکہ میدانی علاقوں میں بلکی بارشوں کا امکان ہے ۔
ترجمان کا کہنا تھا کہ وادی میں۱۳مئی کو موسم مجموعی طور پر ابر آلود رہ سکتا ہے اور اس دوران کہیں کہیں ہلکی بارشیں متوقع ہیں۔انہوں نے کہا کہ بعد ازاں وادی میں ۱۴سے۱۷مئی تک موسم مجموعی طور پر خشک رہنے کا امکان ہے ۔ان کا کہنا تھا کہ اس دوران جموں میں موسم گرم رہنے کی توقع ہے ۔
محکمے نے کسانوں سے کہا ہے کہ وہ۱۱؍اور۱۲مئی کو اپنے کھیت کھیلانوں اور باغوں میں آپریشنز معطل رکھیں۔
اس دوران سرینگر میں آج دن کا زیادہ سے زیادہ درجہ حرارت ۴ء۳۰ڈگری سینٹی گریڈ درج کیا گیا ۔ قاضی گنڈ میں۲ء۲۹‘پہلگام ۷ء۲۵‘کپواڑہ میں۹ء۲۷‘کوکر ناگ میں ۴ء۲۷‘گلمرگ میں۵ء۲۰‘اننت ناگ میں ۷ء۲۸‘ گاندربل میں۴ء۳۱‘بانڈی پورہ میں۰ء۳۰‘بارہمولہ میں۷ء۲۹‘سونمرگ میں ۰ء۲۴‘بڈگام میں ۰ء۳۰‘پلوامہ میں ۱ء۲۹جبکہ شوپیاں میں ۲ء۳۰ ڈگری سینٹی گریڈ درج کیا گیا۔
دریں اثنا خشک موسم کے بیچ وادی میں شبانہ درجہ حرارت میں کہیں اضافہ تو کہیں گراوٹ درج ہوئی ہے ۔
گرمائی دارلحکومت سری نگر میں کم سے کم درجہ حرارت۶ء۱۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۱۰ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۹ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۷ڈگری سینٹی گریڈ ہوا تھا۔
ایک اور سیاحتی مقام پہلگام میں کم سے کم درجہ حرارت۵ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۸ء۵ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۱ء۸ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۸ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۶ء۹ڈگری سینٹی گریڈ ریکارد کیا گیا جہاں گذشتہ شب کا درجہ حرارت ۰ء۹ڈگری سینٹی گریڈ ریکارد ہوا تھا۔