چٹاگانگ// محمد توحید ہدوئے کی شاندار نصف سنچری (57) کی بدولت بنگلہ دیش نے منگل کو ٹی-20 میچ میں زمبابوے کو نو رنز سے شکست دی اور اس کے ساتھ ہی پانچ میچوں کی سیریز 3-0 سے اپنے نام کرکے ناقابل تسخیر برتری حاصل کرلی۔
166 رنز کے تعاقب میں اترنے والی زمبابوے کی ٹیم 20 اوورز میں نو وکٹوں پر صرف 156 رنز بنا سکی۔ زمبابوے کی جانب سے فراز اکرم نے سب سے زیادہ 34 رنز کی ناقابل شکست اننگز کھیلی۔ اس کے ساتھ ہی تادیناشے مارومانی (31)، جوناتھن کیمبل (21)، ویلنگٹن مساکاٹز (13)، کلائیو منڈاڈ (11)، جویلارڈ گیمبی (9)، کریگ ایرون (7)، ٹیوک جونگوے (2) اور کپتان سکندر رضا نے ایک رن کا تعاون دیا۔
بنگلہ دیش کی جانب سے محمد سیف الدین نے تین وکٹیں حاصل کیں۔ اس کے علاوہ ریاض حسین (2)، تنویر حسن، تسکین احمد، تنزیب حسن ثاقب اور محمود اللہ نے ایک ایک وکٹ حاصل کی۔
بنگلہ دیش کے محمد توحید ہدوئے کو شاندار کھیل پر مین آف دی میچ کا خطاب دیا گیا۔
اس سے قبل آج یہاں تیسرے ٹی ٹوئنٹی میچ میں پہلے بیٹنگ کرتے ہوئے بنگلہ دیش کی ٹیم نے 20 اوورز میں پانچ وکٹوں کے نقصان پر 165 رنز بنائے اور زمبابوے کو جیت کے لیے 166 رنز کا ہدف دیا۔ محمد توحید ہدوئے کے علاوہ ذاکر علی (44)، تنجد حسن (21)، لٹن کمار داس (12) اور کپتان نجمل شانتو (6) رنز بنانے کے بعد آو¿ٹ ہوئے۔ محمود اللہ (9)، ریاض حسن (6) رنز بنانے کے بعد ناٹ آو¿ٹ رہے۔
زمبابوے کی جانب سے بلے سنگھ مزاربانی نے تین وکٹیں حاصل کیں۔ فراز اکرم اور سکندر رضا نے ایک ایک وکٹ حاصل کی۔