تیسرے مرحلے میں آج ووٹنگ ۔۔۹۴ لوک سبھا حلقوں کیلئے ۱۲ریاستوں اور یو ٹیز میں ووٹ ڈالے جائیں گے

نئی دہلی//
لوک سبھا انتخابات۲۰۲۴کے تیسرے مرحلے کیلئے منگل کو۱۲ریاستوں اور مرکز کے زیر انتظام علاقوں کی۹۴سیٹوں پر ووٹنگ کی تمام تیاریاں مکمل کر لی گئی ہیں۔
تیسرے مرحلے میں۱۲۰خواتین سمیت۱۳۵۱ امیدواروں کی قسمت کا فیصلہ ہونا ہے ۔
تیسرے مرحلے میں جن امیدواروں کا مستقبل داؤ پر لگا ہے ان میں مرکزی وزیر امیت شاہ، جیوترادتیہ سندھیا، سابق وزیر اعلی شیوراج سنگھ چوہان، دگ وجے سنگھ، ایم پی ڈمپل یادو اور سپریا سولے سمیت کئی سینئر لیڈر شامل ہیں۔
تیسرے مرحلے کی انتخابی مہم اتوار کی شام چھ بجے ختم ہو گئی تھی۔ انتخابی عہدیداروں کی ٹیمیں وقت پر ووٹنگ میٹریل کے ساتھ دور دراز کے پولنگ اسٹیشنوں پر ووٹنگ کے لیے روانہ کردی گئیں۔
پولنگ اسٹیشنز پر سیکیورٹی کے سخت انتظامات کیے گئے ہیں۔ الیکشن کمیشن نے بزرگ اور معذور ووٹرز کی سہولت کے لیے خصوصی انتظامات کیے ہیں اور ووٹروں کو گرمی سے بچانے کے لیے پولنگ اسٹیشنز پر سایہ اور پانی کی سہولت فراہم کی ہے ۔
الیکشن کمیشن ووٹنگ فیصد بڑھانے کے لیے ووٹر بیداری مہم کے کئی پروگرام منعقد کر رہا ہے ۔ تیسرے مرحلے میں۱۲ریاستوں اور مرکز کے زیر انتظام علاقوں کی۹۴لوک سبھا نشستوں کے لیے ووٹنگ ہوگی، جس میں بہار کی پانچ، مدھیہ پردیش کی نو، آسام کی چار، چھتیس گڑھ کی سات، کرناٹک کی۱۴، گوا کی دو‘۲۵نشستیں، گجرات، مہاراشٹر کی ۱۱‘ اتر پردیش کی ۱۰‘ بنگال کی چار اور دمن اور دیو کی دو نشستیں شامل ہیں۔
لوک سبھا انتخابات میں اب تک دو مرحلوں کی ووٹنگ ہو چکی ہے ، اب تیسرے مرحلے کی ووٹنگ کل ہونی ہے ۔ الیکشن کمیشن ووٹنگ فیصد بڑھانے کے لیے ووٹر بیداری مہم کے کئی پروگرام چلا رہا ہے ۔ اگر کسی بھی قسم کی پوسٹ، ویڈیو یا پیغام انٹرنیٹ میڈیا پر پھیلانے کے لیے اپ لوڈ یا فارورڈ کیا جاتا ہے ، تو ضلعی سطح کی میڈیا سرٹیفیکیشن اینڈ مانیٹرنگ کمیٹی اس کا پتہ لگائے گی۔ اس کے لیے سائبر سیل کی مدد لی جائے گی۔ اس بار بھی ووٹنگ کا وقت صبح۷بجے سے شام ۶بجے تک ہوگا۔
لوک سبھا کے پہلے مرحلے میں۱۹؍اپریل کو۲۱ریاستوں کی۱۰۲سیٹوں پر ووٹنگ ہوئی۔ دوسرے مرحلے میں ۲۶؍اپریل کو۸۸سیٹوں پر ووٹنگ ہوئی تھی، جس کے بعد اب تیسرے مرحلے کی ووٹنگ ۷مئی، چوتھے مرحلے میں۱۳ مئی، پانچواں مرحلہ ۲۰مئی‘ چھٹا مرحلہ ۲۵مئی کو ہوگا اور ساتواں مرحلہ یکم جون کو۔
ووٹوں کی گنتی ۴جون کو ہوگی۔