ہمیں شہر خاص کی شان رفتہ کو بحال کرنا ہے: بخاری

سرینگر/۶مئی

جموںکشمیر اپنی پارٹی کے صدر سید الطاف بخاری کا کہنا ہے کہ ’ہمیں شہر خاص کی شان رفتہ کو بحال کرنا ہے جس کا یہ مستحق ہے ‘۔

بخاری نے کہا کہ ہم اسی سچے راستے پر چل رہے ہیں جس پر ہمارے بزرگان دین گامزن تھے ۔

اپنی پارٹی کے صدر نے ان باتوں کا اظہار پیر کے روز یہاں شہر خاص کے اپنے دورے کے دوران آستان عالیہ دستگیرؒصاحب خانیار میں حاضری دینے کے بعد نامہ نگاروں کے ساتھ بات کرنے کے دوران کیا۔

بخای نے کہا”میں نے یہاں حاضری دے کر امید واروں کی کامیابی کے لئے دعا کی امید ہے کہ ان بزرگوں کا ہم پر کرم ہوگا“۔

اپنی پارٹی کے صدرکا کہنا تھا”ہم اسی سچے راستے پر چل رہے ہیں جس پر ہمارے بزرگان دین گامزن تھے ان کی برکت سے ہی ہم قتل و غارت کے دور سے باہر نکلے “۔

بخاری نے کہا کہ ہمیں شہر خاص کی رونق اور زینت واپس کرنی ہے جس کا یہ مستحق ہے ۔انہوں نے کہا کہ وادی میں قیام امن کا سہرا لوگوں کے سر بھی جاتا ہے ۔

ان کا کہنا تھا”ہماری کوشش ہے کہ لوگوں کو یہ با ور کرائیں کہ ہم ان کے خدمتگار ہیں، ہم لوگوں کے مشکلات کو دور کرنا چاہت

ے ہیں۔“