قاضی گنڈ سڑک حادثے میں راہ گیر ہلاک

سرینگر//
جنوبی ضلع اسلام آباد کے قاضی گنڈعلاقے میں گاڑی کی ٹکر سے ایک شخص کی موقع پر ہی موت واقع ہوئی۔
سرکاری ذرائع نے بتایا کہ جمعرات کی سہ پہر کو قاضی گنڈ میں ایک تیز رفتار ٹویرا گاڑی نے راہ چلتے معراج الدین ولد غلام نبی شاہ ساکن یار ہول بونی گام نامی شہری کو ٹکر ماری جس وجہ سے وہ شدید طورپر زخمی ہوا۔
ذرائع نے بتایا کہ آس پاس موجود لوگوں نے زخمی شہری کو ہسپتال پہنچایا تاہم وہاں پر موجود ڈاکٹروں نے اُسے مردہ قرار دیا۔
پولیس نے معاملے کی نسبت کیس درج کرکے مزید تحقیقات شروع کی ہے ۔
دریں اثناجموں پٹھان کوٹ شاہراہ پر شیشون کٹھوعہ کے نزدیک ایک نجی کار کو حادثہ پیش آیا جس کے نتیجے میں دو افراد کی موقع پر ہی موت واقع ہوئی جبکہ تین دیگر زخمی ہوئے ۔
سرکاری ذرائع نے بتایا کہ جمعرات کے روز جموں پٹھان کوٹ شاہراہ پر شیشون کے نزدیک ایک کار کو حادثہ پیش آیا جس کے نتیجے میں کار میں سوار پانچ افراد زخمی ہوئے ۔
ذرائع نے کہاکہ آس پاس موجود لوگوں نے زخمیوں کو علاج ومعالجہ کی خاطر فوری طورپر نزدیکی ہسپتال پہنچایا تاہم وہاں پر موجود ڈاکٹروں نے دو زخمیوں کو مردہ قرار دیا جبکہ تین دیگر کی حالت بھی تشویشناک بنی ہوئی ہے ۔
جاں بحق ہوئے افراد کی شناخت ۳۶سالہ نیہا شرما زوجہ ورن سنگھ ساکن گنگیال اور اُس کے دو سال بیٹے ریڈی شرما کے بطور ہوئی ہے ۔
حادثے میں زخمی ہونے والوں کی شناخت ورن شرما ولد تارا چند شرما ‘ ترشا شرما اور سونینا شرما کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی ہے ۔