کشمیر کے اسکولوں کے اوقات کار میں تبدیلی

سرینگر//
ڈائریکٹر اسکول ایجوکیشن کشمیر (ڈی ایس ای کے ) نے وادی کشمیر میں۱۲؍اپریل یعنی جمعہ سے اسکولوں کے اوقات کار میں تبدیلی کے احکامات صادر کئے ہیں۔
متعلقہ محکمے کے حکمنامے کے مطابق سرینگر میونسپل حدود کے اندر آنے والے تمام سرکاری و غیر سرکاری اسکولوں میں نئے اوقات کار صبح۹بجے سے دوپہر۳بجے تک جبکہ سری نگر میونسپل حدود سے باہر آنے والے اور دوسرے اضلاع کے سکولوں میں نئے اوقات کار صبح۱۰بجے سے شام چار بجے تک ہوں گے ۔
ڈی ایس ای کے کی طرف سے پیر کو جاری اس حکمنامے میں متعلقہ اداروں کو حکم دیا گیا ہے کہ وہ حکم/ ہدایات پر سختی سے عمل کریں۔
حکمنامے میں مزید کہا گیا کہ اس سلسلے میں کئے جانے والے کسی بھی انحراف کا سنجیدہ نوٹ لیا جائے گا۔