ویرات کوہلی نے ٹونٹی ٹونٹی کرکٹ میں 100 ففٹی پلس سکور مکمل کرلیے

ممبئی//
ہندوستانی بلے باز ویرات کوہلی نے پیر کو بنگلورو میں پنجاب کنگز کے خلاف رائل چیلنجرز بنگلورو کے آئی پی ایل 2024ء کے میچ کے دوران T20 میں اپنا 100 واں ففٹی پلس اسکور ریکارڈ کیا۔ 35 سالہ بیٹر ٹی ٹونٹی کرکٹ میں ایسا کرنے والے تیسرے بلے باز ہیں۔ ویرات کوہلی نے آٹھ سنچریاں اور 92 نصف سنچریاں بنائی ہیں۔
ان میں سے ایک سنچری اور 37 نصف سنچریاں بین الاقوامی میچوں میں بنی ہیں۔ اس فہرست میں کرس گیل 110 مرتبہ پچاس سے زائد سکور کے ساتھ سرفہرست ہیں اور اس کے بعد ڈیوڈ وارنر دوسرے نمبر پر ہیں جن کے نام 109 ایسے سکور ہیں۔ پاکستانی بلے باز بابر اعظم پچاس یا اس سے زیادہ کے 98 سکور کے ساتھ فہرست میں چوتھے نمبر پر ہیں۔ افواہیں ہیں کہ انہیں میگا ایونٹ کے لئے ہندوستان کی T20 ٹیم میں شامل نہیں کیا گیا ہے۔
35 سالہ کھلاڑی نے جنوری میں افغانستان کے خلاف 2022ء کے ورلڈ کپ کے بعد اپنا پہلا ٹی ٹونٹی کھیلا۔ کوہلی اپنے دوسرے بچے کی پیدائش کی وجہ سے انگلینڈ کے خلاف پانچ میچوں کی ہوم ٹیسٹ سیریز بھی نہیں کھیل سکے تھے۔ عظیم بلے باز نے گزشتہ سال آئی پی ایل میں دو سنچریوں اور چھ نصف سنچریوں سمیت مجموعی طور پر 639 رنز بنائے تھے۔