جو روٹ کی سنچری سے انگلینڈ کی پوزیشن مضبوط

رانچی// مڈل آرڈر بلے باز جو روٹ کی 106 رنوں کی سنچری کی بدولت انگلینڈ نے ہندوستان کے خلاف چوتھے ٹیسٹ میچ کے پہلے دن کا کھیل ختم ہونے تک سات وکٹ پر307 رن بنا کر میچ پر مضبوط گرفت بنالی ہے۔
یہاں آج انگلینڈ کے کپتان بین اسٹوکس نے ٹاس جیت کر پہلے بلے بازی کا فیصلہ کیا۔ جیک کرولی اور بین ڈکٹ کی اوپننگ جوڑی نے سست آغاز کیا اور پہلے وکٹ کے لیے 47 رنز جوڑے۔ ٹیسٹ ڈیبیو کرنے والے ہندوستانی تیز گیند باز آکاش دیپ نے 10ویں اوور میں بین ڈکٹ 11 رن کو جریل کے ہاتھوں کیچ آؤٹ کروا کر انگلینڈ کو پہلا جھٹکا دیا۔ اس کے بعد انہوں نے اولی پوپ کو صفر پر ایل بی ڈبلیو آؤٹ کرکے پویلین بھیج دیا۔ آکاش نے 12ویں اوور میں جیک کرولی کو 42 رن پر آؤٹ کر کے ہندوستان کو تیسری کامیابی دلائی۔ آر اشون نے جونی بیرسٹو
38 رن کو ایل بی ڈبلیو آؤٹ کیا۔ وہیں جڈیجہ نے کپتان بین اسٹوکس کو تین رنز پر آؤٹ کرکے پویلین بھیج دیا۔ انگلینڈ نے لنچ تک پانچ وکٹوں پر 112 رنز بنا تھے۔
لنچ تک ایسا لگ رہا تھا کہ انگلینڈ شاید آج دو سیشن بھی نہیں کھیل پائے گا۔ لیکن جو روٹ نے فوکس، ہارٹلی اور رابنسن کے ساتھ شراکت داری کرتے ہوئے انگلینڈ کو مضبوط پوزیشن میں پہنچا دیا ہے۔ جو روٹ نے 226 گیندوں پر نو چوکوں کی مدد سے ناقابل شکست 106 رنز بنائے۔ بین فاکس 47 رنز اور ٹام ہارٹلی 13 رنز بنانے کے بعد آؤٹ ہوئے۔ آج دن کا کھیل ختم ہونے تک جو روٹ 106 ناٹ آؤٹ اور اولی رابنسن 31 رنز پر ناٹ آؤٹ ہیں۔
ہندوستان کی جانب سے پہلے سیشن میں آکاش دیپ نے تین وکٹیں حاصل کیں۔ محمد سراج کو دو وکٹ ملے۔ آر اشون اور رویندر جڈیجہ نے ایک ایک بلے باز کو آؤٹ کیا۔
ادھر ندوستانی اسپن گیند باز آر اشون نے جمعہ کو انگلینڈ کے خلاف وکٹوں کی سنچری مکمل کرتے ہوئے ایک اور ریکارڈ اپنے نام کر لیا ہے۔
اشون نے چوتھے ٹیسٹ میچ کے پہلے دن جمعہ کو انگلینڈ کے بلے باز جونی بیرسٹو کو 38 رنز پر ایل بی ڈبلیو آؤٹ کرکے یہ کارنامہ انجام دیا۔ اس کے ساتھ ہی اشون ٹیسٹ میں ہندوستان کی جانب سے دو ٹیموں کے خلاف 100 وکٹیں لینے والے پہلے بولر بن گئے ہیں۔ اشون کے علاوہ انل کمبلے نے آسٹریلیا کے خلاف وکٹوں کی سنچری مکمل کی ہے۔ کمبلے نے کنگارو ٹیم کے خلاف 114 وکٹیں حاصل کی ہیں۔