۱۶ مئی تک موسم میں کوئی نمایاں تبدیلی نہیں آئیگی

سرینگر/
وادی کشمیر میں خشک و گرم موسم کے بیچ محکمہ موسمیات نے میدانی علاقوں میں بارشوں اور ژالہ باری جبکہ بالائی علاقوں میں برف باری کی پیش گوئی کر دی ہے ۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران موسم خشک رہنے کا امکان ہے تاہم سہہ پہر کے بعد مطلع ابر آلود رہنے اور ہوائیں چلنے کی توقع ہے ۔
ترجمان نے کہا کہ وادی میں۱۶مئی تک موسم کی یہی صورتحال رہنے کا امکان ہے ۔ان کا کہنا تھا کہ۱۶مئی شام سے۱۸مئی کی شام تک موسم خراب رہ سکتا ہے اور اس دوران میدانی علاقوں میں بارشیں اور ژالہ باری ہوسکتی ہے جبکہ بالائی علاقوں میں کہیں کہیں برف باری متوقع ہے ۔
دریں اثنا دارلحکومت سرینگر میں کم سے کم درجہ حرارت۱ء۱۴ڈگری سینٹی گریڈ ریکارڈ کیا گیا جو معمول سے ۵ء۳ڈگری سینٹی گریڈ زیادہ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حررات۰ء۷ڈگری سینٹی گریڈ ریکارڈ کیا گیا جو معمول سے ۵ء۱ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۳ء۷ڈگری سینٹی گریڈ ریکارڈ کیا گیا جو معمول سے ۲ء۲ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۹ء۱۰ڈگری سینٹی گریڈ ریکارڈ کیا گیا جو معمول سے ۳ء۱ڈگری سینٹی گریڈ زیادہ ریکارڈ ہوا تھا۔
قاضی گنڈ میں کم سے کم درجہ حرارت۵ء۱۰ ڈگری سینٹی گریڈ ریکارڈ کیا گیا جو معمول سے۳ء۱ڈگری سینٹی گریڈ زیادہ ریکارڈ ہوا تھا۔