تین ماہ پہلے سڑک حادثے میں زخمی نوجوان چل بسا

سرینگر//
سمبل میں پیش آئے ایک سڑک حادثے میں زخمی ہونے والا۲۶سالہ نوجوان بدھ کی صبح تین ماہ بعد زخموں کی تاب نہ لاتے ہوئے چل بسا۔
ذرائع نے بتایا کہ نوجوان سڑک حادثے میں اس وقت زخمی ہوا تھا جب ایک تیز رفتار ٹپر نے اس کی موٹر سائیکل کو زور دار ٹکر مار دی تھی، جس کے بعد نوجوان کو تشویشناک حالت میں ہسپتال منتقل کر دیا گیا تھا۔
وہ ایک ماہ سے زیادہ عرصے سے سکمز صورہ میں زیر علاج تھا، اور منگل کی صبح، وہ گھر میں زخموں کی تاب نہ لاتے ہوئے چل بسا۔
ایک پولیس اہلکار نے متوفی کی شناخت عاشق حسین رائنا ولد معراج الدین رائنا ساکن گنڈ پورہ بانڈی پورہ کے طور پر کی ہے۔اْنہوں نے یہ بھی کہا کہ اس سلسلے میں قانون کے متعلقہ دفعات کے تحت ایک کیس پہلے ہی درج کیا گیا ہے۔