آئی سی سی نے ٹی ٹوئنٹی ٹیم آف دی ایئر 2023کا اعلان کیا

نئی دہلی//آئی سی سی نے آج ٹی ٹوئنٹی ٹیم آف دی ایئر 2023کا اعلان کیا۔ ہندوستانی بلے باز سوریہ کمار یادیو کو ٹیم کا کپتان مقرر کیا گیا ، جب کہ روی بشنوئی، یشسوی جیسوال اور ارشدیپ سنگھ ٹیم میں شامل کئے جانے والے تین دیگر ہندوستانی کھلاڑی رہے۔
سوریہ کمار یادو 2023 میں فل ٹائم نیشن میں ٹی ٹوئنٹی کے ٹاپ اسکورر رہے۔ سوریہ کمار نے 18 میچوں میں 733 رنز بنائے اور دو شاندار سنچریاں بنائیں۔ یادو کی آخری سنچری جنوبی افریقہ کے خلاف کھیلتے ہوئے آئی تھی جہاں انہوں نے صرف 56 گیندوں میں سنچری بنائی تھی۔
ٹیسٹ میچوں میں اپنی شاندار کارکردگی کے بعد یشسوی جیسوال نے اپنے گھریلو وائٹ بال فارم کو بھی بین الاقوامی مقابلوں میں دکھایا ۔ سال 2023 میں انہوں نے 14 اننگز میں 159 کے اسٹرائیک ریٹ سے 430 رنز بنائے۔
جیسوال نے فلوریڈا میں ویسٹ انڈیز کے خلاف 51 گیندوں میں 84 ناٹ آوٹ رنز کی اننگز کھیلی اور نیپال کے خلاف بھی صرف 49 گیندوں میں 100 رنز بنائے۔
نوجوان بائیں ہاتھ کے بلے باز نے آسٹریلیا کے خلاف اپنی گھریلو ٹی 20 سیریز میں 25 گیندوں پر 53 رنز بنا کر سال کا اختتام کیا، اس کے بعد جوہانسبرگ میں جنوبی افریقہ کے خلاف 41 گیندوں پر 60 رنز کی اننگز بھی کھیلی۔
بائیں ہاتھ کے تیز گیند باز نے 2023 میں 21 میچوں میں 26 وکٹیں حاصل کیں اور انہیں زمبابوے کے رچرڈ نگاراوا اور آئرلینڈ کے مارک ایڈر کے ساتھ باؤلنگ لائن اپ میں شامل کیا گیا ہے۔
بشنوئی نے 2023 میں اپنے بین الاقوامی کیریئر میں اصلاح کیا۔ آسٹریلیا کے خلاف ہوم ٹی 20 سیریز کے فوراً بعد انہیں ٹی20 میں عالمی نمبرایک بھی قرار دیا گیا۔
ٹیم میں کوئی پاکستانی کھلاڑی شامل نہیں ہے۔
آئی سی سی کی ٹیم آف دی ایئر ان 11 کھلاڑیوں پر مشتمل ہے جنہوں نے 2023 کے دوران بلے بازی، باؤلنگ اور آل راؤنڈر کے طور پر بہترین کارکردگی کا مظاہرہ کیا۔