سرینگر//
پیپلز ڈیموکریٹک پارٹی(پی ڈی پی) کی صدر محبوبہ مفتی کی گاڑی کو جمعرات کے روز اننت ناگ میں حادثہ پیش آیا جس وجہ سے گاڑی کا ڈرائیور زخمی ہوا تاہم محبوبہ مفتی بال بال بچ گئیں۔
اطلاعات کے مطابق جمعرات کے روز اننت ناگ میں سنگم کے نزدیک پی ڈی پی صدر محبوبہ مفتی کی گاڑی کو حادثہ پیش آیا جس وجہ سے گاڑی کو نقصان پہنچا ہے ۔
معلوم ہوا ہے کہ حادثے میں گاڑی کے ڈرائیور کو چوٹ آئی جس سے علاج ومعالجہ کی خاطر ہسپتال منتقل کیا گیا۔
التجا مفتی نے ایکس پر لکھا ’’ننت ناگ میں محبوبہ مفتی کی گاڑی کو حادثہ پیش آیا تاہم اللہ کا شکر ہے کہ حادثے میں کسی کو چوٹ نہیں آئی‘‘۔
دریں اثنا نیشنل کانفرنس کے صدر عمر عبداللہ نے ایکس پر لکھا’’محبوبہ مفتی کی گاڑی کو اننت ناگ میں حادثہ پیش آیا ، غنیمت ہے کہ اس حادثے میں کسی کو چوٹ نہیں آئی‘‘۔
عمر نے کہا’’حادثے کیسے اور کن حالات میں ہوا اس کی اعلیٰ سطحی تحقیقات ہونی چاہئے ۔ ‘‘
سابق وزیر اعلیٰ نے کہا کہ ان کی سکیورٹی میں کسی بھی کوتاہی کی وجہ سے یہ حادثہ پیش آیا ہے، اسے فوری طور پر دور کیا جانا چاہیے۔