پونچھ : ایل او سی سے متصل جنگل میں بھیانک آتشزدگی

جموں//
جموںکشمیر کے ضلع پونچھ میں لائن آف کنٹرول(ایل اوسی) کے ساتھ لگنے والے جنگل میں لگی آگ سے سرسبز سونے کو نقصان پہنچا ہے ۔
اطلاعات کے مطابق خشک سالی کی وجہ سے جنگلی علاقوں میں آگ نمودار ہونے کا سلسلہ جاری ہے ۔معلوم ہوا ہے کہ جمعرات کی صبح پونچھ میں لائن آف کنٹرول کے ساتھ لگنے والے جنگل میں آگ نمودار ہوئی جس نے ایک وسیع العریض علاقے کو لپیٹ میں لے لیا ہے ۔
ذرائع کے مطابق آگ سے سرسبز سونے کو نقصان پہنچا ہے‘ محکمہ جنگلی حیات کے اہلکار آگ بجھانے کی کارروائی میں مصروف ہے ۔
قابل ذکر ہے کہ جموں وکشمیر میں گذشتہ دنوں کے دوران آگ کی وارداتوں میں اضافہ دیکھنے کو مل رہا ہے ۔
آئے روز یونین ٹریٹری کے کسی نہ کسی جنگلی علاقے میں آگ کی واردات رونما ہوتی ہے جو لوگوں کیلئے فکر مندی کا باعث بن گیا ہے ۔