سرینگر//
وسطی ضلع گاندربل اور سوزیٹھ ناربل میں شبانہ آگ کی وارداتوں میں دو رہائشی مکان خاکستر ہوئے ہیں۔
اطلاعات کے مطابق وسطی ضلع گاندربل کے گاسی محلہ میں اس وقت سنسنی کا ماحول پھیل گیا جب رہائشی مکان سے آگ نمودار ہوئی جس نے آناً فاناً مکان کوپوری طرح سے اپنی لپیٹ میں لے لیا۔
معلوم ہوا ہے کہ فائر اینڈ ایمرجنسی اور مقامی لوگوں کی کوششوں کے نتیجے میں گر چہ آگ پر قابو پایا گیا تاہم آتشزدگی کی اس واردات میں رہائشی مکان پوری طرح سے خاکستر ہوا ہے ۔
دریں اثنا سوزیٹھ نارہ بل میں بھی شبانہ آگ کی ایک واردات میں رہائشی مکان خاکستر ہوا ہے ۔
فائر اینڈ ایمرجنسی کے ایک عہدیدار نے یو این آئی اردو کو بتایا کہ چوبیس گھنٹوں کے دوران وادی کشمیر میں۱۷آگ کی وارداتیں رونما ہوئیں جس دوران دو رہائشی مکان خاکستر ہوئے جبکہ آتشزدگی کی کئی وارداتوں میں چنار اور دیگر درخت بھی جل کر راکھ ہو گئے ہیں۔
پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی ہے ۔