شمالی کشمیر میں سات منشیات فروش گرفتار:پولیس

سرینگر//
جموں وکشمیر پولیس نے شمالی کشمیر کے مختلف علاقوں میں ناکہ چیکنگ کے دوران سات منشیات فروشوں کو پکڑ کر ان کے قبضے سے ممنوع نشیلی اشیاء برآمد کرکے ضبط کی۔
پولیس کے ایک ترجمان نے بتایا کہ تارزو پولیس نے پیٹھ سیر کراسنگ کے نزدیک ناکہ چیکنگ کے دوران عادل اشرف خان ولد اشرف خان ساکن پیٹھ سیر سوپور کی گرفتاری عمل میں لا کر اس کے قبضے سے۲۴۸نشیلی کپشول برآمد کئے۔
بتادیں کہ گرفتار منشیات فروش کے خلاف سال۲۰۲۰۔۲۰۲۱کے دوران این ڈی پی ایس ایکٹ کے تحت کئی کیس درج کئے جاچکے ہیں۔
پولیس بیان کے مطابق چھوٹی پورہ ہندواڑہ میں پولیس نے ایک ٹاٹا میجک گاڑی روک کر تلاشی کے دوران ۱۲۶گرام چرس برآمد کیا۔
پولیس نے گاڑی میں سوار مدثر احمد ڈار ولد عبدالمجید ڈار اور دانش احمد بٹ ولد عبدالرشید ساکنان بٹہ کوٹ ہندواڑہ کی گرفتاری عمل میں لائی۔
پولیس پوسٹ دلنہ نے جوہامہ کانسی پورہ کے نزدیک ناکہ چیکنگ کے دوران ارہان خان ولد افتخار خان ساکن گاو خانہ کادم اتر پردیش حال کانٹھ باغ بارہ مولہ کو روک کر اس کی جامہ تلاشی لی جس دوران اس کے قبضے سے ۱۴گرام بروئن شوگر برآمد ہوا۔ منشیات فروش کی گرفتاری عمل میں لا کر پولیس اسٹیشن بارہ مولہ منتقل کیا گیا۔
اسی طرح کی ایک اور کارروائی کے دوران میر گنڈ پولیس نے جھیل بنڈ پٹن کے نزدیک ایک گاڑی کو روک اس میں سوار تین افراد جن کی شناخت زبیر احمد شیخ ولد گلزار احمد شیخ ساکن لاوے پورہ سری نگر ، عمران حسین ملہ ولد غلام محمد ملہ ساکن یکھمان پورہ اور محمد امین وزاہ ولد منظور احمد وازہ ساکن شاہ تل پورہ سمبل کے بطور ہوئی کی تلاشی لی جس دوران ان کے قبضے سے۲۸گرام بروئن شوکگر برآمد ہوا۔ پولیس نے تینوں کو دھر دبوچ کر پولیس اسٹیشن پٹن منتقل کیا۔
دریں اثنا پولیس نے عوام الناس سے اپیل کی ہے کہ وہ منشیات فروشوں کے بارے میں قانون نافذ کرنے والے ادارے کو مطلع کریں۔
اس دوران پلوامہ میں پولیس نے آج ایک دو منزلہ رہائشی مکان ضبط کیا جس کی مالیت تقریباً۲۰لاکھ۹۷ ہزار۲۹۱روپے ہے جس کی مالیت ایک بدنام زمانہ منشیات فروش فیاض احمد راتھر ولد جی محمد راتھر ساکن کریم آباد اور دوسری منزل پر رہائشی اپارٹمنٹ کے طور پر دو دکانیں ہیں جن کی قیمت تقریباً۲۷لاکھ۳۵ہزار۱۸۶ روپے ہے۔