سپریم کورٹ کالجیم نے ہائی کورٹ کے پانچ چیف جسٹسوں کی تقرری کی سفارش کی

نئی دہلی// سپریم کورٹ کالجیم نے ہائی کورٹ کے پانچ چیف جسٹسوں کی تقرری کی سفارش کی ہے ۔
سپریم کورٹ کے جاری کردہ ایک بیان کے مطابق چیف جسٹس ڈی وائی چندر چوڑ کی سربراہی میں جسٹس سنجیو کھنہ اور جسٹس بی آر گوئی پر مشتمل کالجیم نے جسٹس ارون بھنسالی کو الہ آباد کے لیے ، جسٹس منیندرا موہن سریواستو کو راجستھان کے لیے ، جسٹس وجے بشنوئی کو گوہاٹی کے لیے ،پنجاب اور ہریانہ کے لیے جسٹس شیل ناگو اور جھارکھنڈ کے لیے جسٹس بی آر سارنگی کو چیف جسٹس بنانے کی سفارش کی ہے ۔
جسٹس بھنسالی، جسٹس سریواستو اور جسٹس بشنوئی راجستھان ہائی کورٹ کے موجودہ جج ہیں۔ اسی طرح مدھیہ پردیش کے جسٹس ناگو اور جسٹس سارنگی اڈیشہ ہائی کورٹ کے جج ہیں۔