’وطن کو جانو‘:ڈاکٹر جتیندر سنگھ کی دہلی میں جموں کشمیر کے طلباء سے ملاقات ،’آپ ۲۰۴۷ کے معمار ہوں‘

نئی دہلی//
وزیر اعظم کے دفتر میں وزیر مملکت ڈاکٹر جتیندر سنگھ نے آج جموں و کشمیر کے تمام اضلاع سے تعلق رکھنے والے تقریباً ۲۵۰ اسکولی بچوں کے ایک وفد سے ملاقات کی، جو اس وقت نئی دہلی کے دورے پر ہیں۔
یہ طلباء حکومت ہند کے ’وطن کو جانو … یوتھ ایکسچینج پروگرام۲۰۲۳‘کے تحت جے پور، اجمیر اور نئی دہلی کا دورہ کر رہے ہیں۔ ایک بھارت شریشٹھ بھارت کے جذبے کے تحت، اس دورے کا مقصد جموں و کشمیر کے نوجوانوں کو ملک کی ثقافتی اور سماجی تنوع کو اجاگر کرنا ہے۔
ڈاکٹر جتیندر نے نوجوان طلباء سے کہا کہ ان کا مقدر۲۰۴۷ کا معمار بننا ہے اور یہ ہندوستان کے لیے بہترین وقت میں سے ایک ہے اور جموں و کشمیر کے لیے بھی ایک نئی شروعات ہے۔
مرکزی وزیر مملکت نے کہا کہ وزیر اعظم ‘نریندر مودی کی قیادت میں، جموں و کشمیر کے خوبصورت خطہ میں ایک غیر معمولی تبدیلی آئی ہے۔ پتھراؤ کے واقعات ماضی کی بات بن چکے ہے۔
داکٹر جتندر نے کہا کہ آج جموں و کشمیر کھیلوں کی کامیابیوں کی کہانیوں کے لیے زیادہ سرخیاں بناتا ہے۔انہوں نے کہا’’ جموں کشمیر کے کرکٹرز جیسے عبدالصمد، عمران ملک، پرویز رسول اور منظور پانڈو آئی پی ایل میں کھیلتے ہیں۔ اوشو کھلاڑی سوریہ بھانو پرتاپ سنگھ اور ابھیشیک جموال نے حالیہ ماسکو چیمپئن شپ میں ملک کا نام روشن کیا ہے‘‘۔
مرکزی وزیر مملکت نے کہا کہ۲۰۲۲ میں، ایک کشمیری اسکائیر عارف خان نے بیجنگ میں منعقدہ سرمائی اولمپکس کی افتتاحی تقریب میں ہندوستان کا قومی پرچم اٹھا رکھا تھا۔‘‘ انہوں نے کہا ’’کشمیر میں لڑکیاں بھی لڑکوں کے برابر کھیلوں میں حصہ لیتی ہیں۔ اس سال کے شروع میں کشتواڑ کے لوئیدھر گاؤں سے تعلق رکھنے والی۱۶سالہ شیتل دیوی بین الاقوامی سطح پر بغیر ہتھیاروں کے مقابلہ کرنے والی ’ پہلی خاتون تیر انداز‘ ہیں۔
ڈاکٹر جتیندرنے اسکولی بچوں کو سرکاری ملازمت سے باہر مواقع تلاش کرنے کی ترغیب دی۔ انہوں نے کہا کہ لیوینڈر ایگری اسٹارٹ اپس، روزگار پیدا کرنے اور تحقیق کا ایک ذریعہ ہے، جو ترقی کے بہت سے مواقع کھولتا ہے۔ انھوں نے کہا کہ ’’بھدرواہ ہندوستان کی لیوینڈر راجدھانی اور ایگری اسٹارٹ اپ منزل کے طور پر ابھرا ہے۔ بھدرواہ اور گلمرگ کے علاقوں میں آروما مشن اور پرپل ریوولیوشن کی کامیابی کے بعد۳۰۰۰سے زیادہ اسٹارٹ اپ اب صرف لیوینڈر کی کاشت میں مصروف ہیں۔
یہ بتاتے ہوئے کہ جموں و کشمیر سے اشیاء کی بڑھتی ہوئی تعداد کو جیو ٹیگ کیا گیا ہے، ڈاکٹر جتیندر نے کہا کہ اس سے مقامی معیشت کو فروغ دینے کے لیے یو ٹی سے جی آئی ٹیگ شدہ مصنوعات کی فروخت کو فروغ دینے میں مدد ملے گی۔
مرکزی وزیر مملکت نے کہا’’ وزیر اعظم مودی کی قیادت میں حکومت نے جموں و کشمیر میں ترقی لانے کی کوششیں کی ہیں۔ مختلف بنیادی ڈھانچے کے منصوبے جموں و کشمیر کا چہرہ بدل دیں گے۔ ان پروجیکٹوں میں اْجھ کثیرمقصدی پروجیکٹ، شاہ پور کنڈی ڈیم پروجیکٹ، ریاسی میں دریائے چناب پر دنیا کے سب سے اونچے ریلوے پل کی تعمیر، ایمس اور آئی آئی ایم کا قیام وغیرہ شامل ہے۔ کٹھوعہ ضلع میں انجینئرنگ کالج قائم کرنے کا کام شروع کر دیا گیا ہے اور جلد ہی میڈیکل کالج بھی کھل جائے گا۔ شمالی ہندوستان کا پہلا بائیوٹیک پارک جموں و کشمیر کے کٹھوعہ میں قائم کیا جائے گا‘‘۔
ڈاکٹر جتندر نے مزید کہا کہ اس سال ریکارڈ تعداد میں سیاح جموں و کشمیر پہنچے ہیں۔انہوں نے طلباء سے اپیل کی کہ وہ وزیر اعظم نریندر مودی کی اصلاحات کے محرک بنیں اور جموں و کشمیر میں ان اصلاحات کو موثر طور پر نافذ کرنے میں مدد کریں۔