اظہر علی کو پی سی بی میں اہم ذمے داری ملنے کا امکان

کراچی//
ٹیسٹ کرکٹر اظہر علی کو پاکستان کرکٹ بورڈ (پی سی بی) میں اہم ذمے داریاں ملنے کا امکان ہے۔
پی سی بی سابق کپتان کو لاہور کی نیشنل کرکٹ اکیڈمی (این سی اے) کا ڈائریکٹر بنانے پر غور کر رہا ہے۔
پاکستان کرکٹ بورڈ نے گزشتہ دنوں ڈائریکٹر نیشنل کرکٹ اکیڈمی (این سی اے) کے لیے اشتہار جاری کیا تھا۔
تاہم ذرائع کا کہنا ہے کہ اس عہدے کے لیے اظہر علی سے بات چیت جاری ہے اور معاملات کافی حد تک طے پاچکے ہیں۔