سرینگر//
جموںکشمیر کے لیفٹیننٹ گورنر ‘منوج سنہا نے ہفتے کے روز وجے دیوس (یوم فتح) کے موقع پر لوگوں کو مبارک باد دی ہے ۔
سنہا نے کہا’’میں وجے دیوس پر اپنے فوجی جوانوں کے حوصلے اور قربانی کو سلام پیش کرتا ہوں جنہوں نے سال۱۹۷۱میں ہمیں فتح سے ہمکنار کیا‘‘۔
ایل جی نے ان باتوں کا اظہار ہفتے کو ’ایکس‘پر ایک پوسٹ میں کیا۔انہوں نے کہا’’میں وجے دیوس پر اپنے فوجی جوانوں کے حوصلے اور قربانی کو سلام پیش کرتا ہوں جنہوں نے سال۱۹۷۱میں ہمیں فتح سے ہمکنار کیا‘‘۔ان کا مزید کہنا تھا’’ان(فوجی جوانوں) کی شاندار بہادری اور قربانی کا جذبہ آنے والی نسلوں کو مسلسل حوصلہ دیتی رہے گی‘‘۔
بتادیں کہ ملک میں ہر سال۱۶دسمبر کو وجے دیوس کے طور پر منایا جاتا ہے ۔
یہ دن ہندوستان کی تاریخ میں ایک اہم دن کی حیثیت رکھتا ہے جب۱۳دن کی لڑائی کے بعد۱۶دسمبر ۱۹۷۱کو پاکستان پر فتح حاصل کی گئی تھی، جس کے نتیجے میں سابق مشرقی پاکستان سے بنگلہ دیش کا قیام ہوا۔