کوہلی نے اپنا دور عروج دیکھ لیا، اب بابر اعظم ان سے آگے ہے: عاقب جاوید

لاہور//
پاکستان کے سابق فاسٹ باؤلر عاقب جاوید کا ماننا ہے کہ بابر اعظم نے خود کو عالمی کرکٹ کے بہترین بلے بازوں میں سے ایک بنا لیا ہے اور وہ اس وقت سابق بھارتی کپتان ویرات کوہلی سے بہتر ہیں۔ ان کا ماننا ہے کہ بابر اعظم کی گزشتہ چند سالوں میں کارکردگی غیر معمولی رہی ہے جبکہ کوہلی اپنی پرانی فارم کو برقرار رکھنے میں ناکام رہے ہیں یہی وجہ ہے کہ بابر ان دنوں کوہلی سے بہتر کرکٹر ہیں۔
لاہور قلندرز کے ہیڈ کوچ نے کہا کہ کوہلی اپنے کیریئر کی بہترین فارم سے گزر چکے ہیں اور اب ان کی فارم تنزلی کی جانب جارہی ہے جب کہ بابر اعظم تیزی سے اپنے عروج کی طرف بڑھ رہے ہیں۔ عاقب جاوید نے کہا کہ کوہلی کے لیے اپنی فارم کو بحال کرنا اور اپنے معمول کے معیار پر واپس آنا بہت مشکل ہوگا جب کہ بابر اپنے کیریئر کی بہترین فارم میں ہیں اور قومی ٹیم کی آگے سے قیادت کررہے ہیں۔
انہوں نے پاکستان اور ہندوستانی پیسرز شاہین آفریدی اور جسپریت بمراہ اور وکٹ کیپر محمد رضوان اور رشبھ پنت کے درمیان موازنہ بھی کیا۔ سابق فاسٹ باؤلر کا خیال ہے کہ دونوں پاکستانی کھلاڑی اس وقت اپنے ہندوستانی ہم منصبوں سے بہتر کارکردگی کا مظاہرہ کر رہے ہیں اور بہتر کھلاڑی ہیں۔ 49 سالہ سابق ٹیسٹ کرکٹر نے کہا کہ شاہین دنیا کے بہترین باؤلرز میں سے ایک ہیں اور ماضی قریب میں تینوں فارمیٹس میں ان کی کارکردگی بمراہ کے مقابلے میں بہت بہتر رہی ہے۔
انہوں نے کہا کہ جب شاہین عالمی سطح پر آئے تو بمراہ پہلے سے ہی ایک ثابت شدہ سٹار تھے لیکن اگر دونوں کھلاڑیوں کی کارکردگی کا موازنہ کیا جائے تو شاہین ہندوستانی تیز گیند بازوں سے بہت بہتر رہے ہیں۔ انہوں نے یہ بھی کہا کہ رضوان پنت سے بہت بہتر کھلاڑی ہے کیونکہ وہ زیادہ ذمہ داریاں سنبھالتا ہے۔ انہوں نے کہا کہ اگرچہ پنت ایک غیر معمولی ٹیلنٹ ہے لیکن وہ نہیں جانتا کہ اپنے جذبات کو کس طرح قابو میں رکھنا ہے اور وہ حالات کو بہتر ہونے کی اجازت دے سکتا ہے جب کہ رضوان پرسکون، کمپوزڈ اور دباؤ میں بہترین پرفارمنس دکھاتا ہے۔