مانتے ہیں ہم … یہ مانتے ہیں کہ قسمت کا بڑا عمل دخل ہو تا ہے… آپ کی زندگی میں قسمت کا بڑا عمل دخل ہو تا ہے اور… اور پاکستان کی ٹیم … کرکٹ ٹیم کو دیکھ کر اگر کسی کو قسمت پر یقین نہیں ہو گا … تو… تو ورلڈ کپ میں ہمسایہ ملک کی کرکٹ ٹیم کی کا کردگی کو دیکھ کر وہ بھی آنکھیں بند کرکے اس بات کاحلفاً اقرار کرے گا کہ… کہ قسمت واقعی میں ایک شئے ہے… ایک چیز ہے … ایسی چیز جو کسی ناچیز … پاکستان کرکٹ جیسی ناچیز کو بھی جیت دلا سکتی ہے اور… اور ورلڈ کپ کے پہلے دو میچوں میں پاکستان کے ساتھ بالکل ایسا ہی ہوا … اس نے پہلے دو میچ اس لئے جیت لئے کیوں اس کی قسمت اچھی تھی… کار گردگی ‘ اچھی نہیں تھی… لیکن قسمت اچھی تھی … سو وہ جیت گئی… باقی کے تین میچوں میں اس ٹیم کو ہار کا سامنا کرنا پڑا… حتیٰ کہ افغانستان سے بھی یہ ٹیم ہار گئی اور… اور اس لئے ہار گئی کہ قسمت مہر بان تو گدھا بھی پہلوان… لیکن صاحب مسئلہ یہ ہے کہ … کہ آخر قسمت کب تک مہر بان رہے گی… روز ‘ روز تو نہیں رہے گی… اور بالکل بھی نہیں رہے گی…پہلے دو میچوں میں رہی اور پاکستان کی ٹیم جیت گئی… لیکن اس کے بعد نہیں رہی اور… اور اس لئے نہیں رہی کہ… کہ شاید قسمت کو بھی شرم آئی ہو گی … یہ بھی شرم سے پانی پانی ہوئی ہو گی… اسے بھی احساس ہوا ہو گا کہ… کہ وہ اکیلے پاکستان کو جتوا نہیں سکتی ہے کہ… کہ یہ منصفانہ نہیں ہے… بالکل بھی ‘ یہ ورلڈ کپ میں شریک دوسری ٹیموں کے ساتھ زیادتی ہو گی… نا انصافی ہو گی… جو قسمت کے سہارے میدان میں نہیں اترتی ہیں… بلکہ اپنے ٹیلنٹ ‘ اپنی صلاحیت ‘ اپنی محنت کے بل پر میدان میں اترتی ہیں اور… اور میدان مار بھی لیتی ہیں … یقینا دوسری ٹیمیں بھی ہارتی ہیں… لیکن پاکستان کی ٹیم جس طرح ہارتی ہے … اسے ہار نہیں بلکہ شکست فاش اور ذلت آمیز ہار ہی کہا جا سکتا ہے… یہ ٹیم ہار رہی ہے اور… اور مسلسل ہار رہی ہے … یہ اس ٹورنامنٹ اور اس میں شریک دوسری ٹیموں کیلئے اچھی بات ہے اور… اور اس لئے ہے کیونکہ آگے وہیں ٹیمیں بڑھیں گی اور بڑھنی بھی چاہئیں‘ جو آگے بڑھنے کی مستحق ہوں… جو میدان میں قسمت کے سہارے نہیں بلکہ اپنے ٹیلنٹ کے سہارے اور بھروسے اترتی ہیں۔ ہے نا؟